Liverpool isegwu player ta’ PSV Eindhoven

    Liverpool qed isegwu l-progress tal-attakkant ta’ PSV Eindhoven, Donyell Malen.

    Il-player ta’ 20 sena mpressjona l-istaġun li għadda fejn skorja 21 goals f’40 logħbagħall-klabb Olandiż.

    Aktar minn hekk, fi tmiem il-ġimgħa li għadda huwa skorja l-ħames goals fir-rebħa ta’ 5-0 fuq Vitesse Arnhem. Huwa skorja wkoll fir-rebħa ta’ 3-2 fuq Sporting Lisbon fil-fażi tal-gruppi tal-UEFA Europa League.

    Jidher li ċ-champions Ewropej ilhom isegwu lill-internazzjonali Olandiż u għaldaqstant teżisti possibbiltá li jistgħu jagħmlu offerta f’Jannar li ġej.

    Malen kien ingħaqad ma’ Arsenal mingħand Ajax, f-2015, u skorja 27 goal fil-kampjonat tal-Youths, iżda sentejn wara huwa ffirma ma’ PSV minħabba li qatt ma ngħata ċ-ċans li jilgħab mal-ewwel skwadra.

    Liverpool jaraw lil Malen bħala s-sostitut idealigħal Roberto Firmino wara li Danny Ings u Daniel Sturridge ħallew Anfield fuq bażi permanenti dan is-sajf.