Liquigas b’ħażna mimlija biex tissupplixxi l-gass skont il-ħtieġa

  • Mar 26, 2020 15:08
  • Miktub minn iNews

    Bil-wasla tal-Covid-19, u l-miżuri ta’ prevenzjoni li qed jittieħdu f’Malta, Liquigas Malta qed tiggarantixxi provvista ta’ gass (LPG) li hi affidabbli, sigura u adegwata għall-konsumaturi, l-operaturi u d-distributuri, permezz tal-faċilità LPG mill-aktar avvanzata mmexxija minn Gasco Energy, li tinkludi terminal ta’ importazzjoni mill-baħar, kif ukoll impjant għall-ħażna u l-mili taċ-ċilindri f’Bengħisa.

    Minkejja dawn l-isfidi, Liquigas se tkompli twassal servizzi ta’ kwalità lill-klijenti kollha sal-għatba tal-bieb tagħhom, filwaqt li tirrispetta l-linji gwida tal-awtorità tas-saħħa li kienu implimentati dan l-aħħar.

    Il-Kap Eżekuttiv ta’ Liquigas, Roberto Capelluto, qal: “Bis-saħħa tal-investiment sinifikanti f’Malta, Liquigas Malta tista’ tiggarantixxi s-sigurtà tal-provvista, anke matul perjodu diffiċli bħal dan, u tibqa’ tkun f’pożizzjoni, permezz tal-organizzazzjoni tagħha, li twassal l-ordnijiet u tilqa’ t-talbiet kollha, kemm għal  ċilindri, kif ukoll għal bejgħ bl-ingrossa (bulk sales). Irridu nipproteġu lin-nies tagħna filwaqt li nkomplu niggarantixxu s-servizz lill-klijenti tagħna.”

    Paul Agius Delicata, Kap Eżekuttiv ta’ Gasco Energy, il-kumpanija responsabbli għall-operat tal-impjant f’Bengħisa, qal: “Peress li aħna fornituri ta’ utilità essenzjali, l-ħidma u s-servizzi tagħna qed jipproċedu b’mod normali.  Barra minn hekk, kull ċilindru aħdar issiġillat ta’ Liquigas qed jinħasel u mbagħad ikun diżinfettat b’kimika speċjali li telimina l-virusis u l-batterji kollha.  Dan qed isir biex dejjem aktar niżguraw is-sigurtà tal-klijenti, tal-impjegati u tad-distributuri.”

    Liquigas toffri għajnuna 24 siegħa kuljum, sebat ijiem fil-ġimgħa, permezz tal-linja telefonika 2165 1661-2-3-4-5 li hi ddedikata għall-klijenti.  Aktar tagħrif jinsab fuq www.liquigasmalta.comu fuq il-paġna facebook ta’ Liquigas.

    @tweetembed@

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

  •  

Riċetti

Facebook