“Nemmen li hija deċiżjoni li rrid nerfa’ waħdi … nappella biex inżommu l-prudenza” - Il-Prim Ministru

• Nov 19, 2019 10:46
• Miktub minn iNews

F’kummenti li ta lil midja l-Prim Ministru Joseph Muscat hu u dieħel Kastilja saħaq li bagħat ittra lil Avukat Ġenerali jekk biex kemm-il darba jingħataw il-provi meħtieġa li jwasslu għal prosekuzzjoni tal-mandatatur tal-qtil ta’ Daphne Caruana Galizia dak li qed jissejjaħ il-middleman jiġi rakomandat li jingħata l-maħfra Presidenzjali.

Muscat sostna li ħass li kellu jerfa’ r-responsabilità waħdu bħala Prim Ministru tal-pajjiż biex bi provi b’saħħithom jitressaq quddiem il-ġustizzja l-mandant tal-qtil ta’ Caruana Galizia.

Fir-rigward tat-tempistika l-Prim Ministru Muscat tenna li ma jemminx li l-proċess se jkun ikkaratterizzat minn xhur, iżda lanqas mhu se jkun qed jikkonsisti minn biss ftit jiem.

Il-Prim Ministru spjega li l-persuna meqjusa bħala middleman bħalissa tinsab taħt protezzjoni stretta u appella għall-prudenza u l-kawtela min-naħa tal-midja.

 

Simili

• 

  “Il-PM qed iqanqal inċertezza politika … tant wiret gvern imħanżer, tant wiret ħmieġ, li l-kummerċ qed jieqaf” - Id-Deputat Nazzjonalista Edwin Vassallo

• 

  “Fil-Happiness għodosna ’l-isfel” - Id-Deputat Godfrey Farrugia

• 

  “Qed niltaqgħu ma’ familji li tnejn jaħdmu imma ma jkunux ilaħħqu mal-ħajja” - Id-Deputat Nazzjonalista Karl Gouder