Cutrone protagonista għat-Taljani ... iżda mhux regolari għal Wolves

• Nov 18, 2019 00:00
• Miktub minn iNews

L-attakkant internazzjonali ta’ Wolverhampton Wanderers Patrick Cutrone kien il-protagonista prinċipali fir-rebħa li t-team nazzjonali Taljan ta’ Taħt il-21 sena kiseb kontra l-Islanda bl-iskor ta’ 3-0. L-ex attakkant ta’ Milan skorja doppjetta b’temp ta’ sitt minuti bejn l-84 minuta u d-90 minuta sabiex aċċerta r-rebħa għaż-żgħażagħ Taljani.

L-ironija wara dan kollu hu l-fatt li dan il-player ta’ 21 sena ftit qed jiġi użat minn Wolves tant li minkejja li deher 19-il darba magħhom, il-medja ta’ minuti fejn lagħab magħhom f’kull logħba hi biss ta’ 19-il minuta.

Rapporti mill-Ingilterra qed jgħidu li l-ex player ta’ Milan jinsab imdejjaq b’din is-sitwazzjoni u hawn min qed jgħid li kapaċi jitlob li jingħaqad b’self ma’ club ieħor fit-tentattiv li jilgħab football aktar regolari. Jekk jiġri dan, hu mistenni jerġa’ jilgħab fl-Italja.

Simili

• 

  Waterpolo: Kampjonat Ewropew: Malta ttemm fl-aħħar post

• 

  Matias Vecino jista’ jitlaq lil Inter

• 

  Xherdan Shaqiri se jibqa’ ma’ Liverpool