Professur Russu arrestat wara li f'basket kellu dirgħajn ta' tfajla

• Nov 11, 2019 15:17
• Miktub minn iNews

Il-Pulizija ta’ St Petersburg arrestat storiku Russu magħruf fuq suspett ta’ omiċidju wara li fil-basket li kellu ma’ dahru nstab li kien hemm dirgħajn ta’ mara.

L-istoriku Oleg Sokolov kien fis-sakra u waqa’ fi xmara hekk kif hu allegatament kien qiegħed jipprova jeħles minn dawn id-dirgħajn. Wara din is-sejba, il pulizija marru d-dar tas-suspettat u hemm sabu l-katavru dikapitat ta’ studenta ta’ 24 sena. Il-vittma hija Anastasia Yeshchenko, li fil-passat hi u l-Professur Sokolov kitbu numru ta’ xogħlijiet flimkien.

Il-pulizija qalu li r-raġel ta’ 63 sena kien salvat mix-xmara Moika u arrestat fuq suspett ta’ qatil. Dan l-istoriku huwa l-awtur ta’ għadd ta’ kotba dwar Napuljun hu kien anke konsulent storiku fuq għadd ta’ films. Huwa kien ukoll membru ta’ Istitut Franċiż tax-Xjenza Soċjali, Ekonomija u Politika. Wara din is-sejba makabra huwa tneħħa minn din il-kariga.

Simili

• 

  Il-Finlandja bl-iżgħar Prim Ministru fid-dinja... Gvern magħmul minn ħames partiti kollha mmexxija minn mara

• 

  [FIR-RENJU UNIT] Omm tinqatel b'daqqa ta' sikkina wara li ppruvat tferraq ġlieda żewġt irġiel

• 

  Diżgwit fost il-pajjiżi membri tan-NATO