L-Iran iwaqqa' drone … mux magħruf jekk huwiex militari jew ċivili

• Nov 08, 2019 14:37
• Miktub minn iNews

Il-midja Iranjana illum irrapportat li il-militar Iranjan kien waqqa’ drone fuq il-belt ta’ Mahshahr li tinsab fin-Nofsinhar tal-pajjiż.

Ma ngħata l-ebda aktar informazzjoni dwar jekk id-drone huwiex militari jew ċivili.

L-istazzjon tat-televiżjoni Al-Alam qal li “r-residenti semgħu l-ħoss ta’ missila tkun sparata kmieni filgħodu”.

F’Ġunju li għadda l-Iran kien waqqa’ drone Amerikan li kien qed jintuża għal sorveljanza, bil-militar Iranjan jgħid li d-drone kien qed jittajjar fin-Nofsinhar tal-pajjiż.

Washington qal li d-drone Amerikan kien twaqqa’ mill-Iran fl-ispazju tal-ajru internazzjonali  fuq l-Istrett ta’ Hormuz.

Ir-relazzjonijiet bejn l-Iran u l-Istati Uniti ħadu bixra ħażina mindu s-sena li għaddiet il-President Amerikan Donald Trump qal li l-Istati Uniti mhix se tkun qed tibqa’ tonora l-ftehim nukleari iffirmat ma’ Tehran fl-2015. Dan filwaqt li reġa’ impona sanzjonijiet fil-konfront tal-Iran.

Simili

• 

  Tliet Amerikani jmutu wara li jiġġarraf ajruplan tat-tifi tan-nar fl-Awstralja

• 

  Fantasiji sesswali wasslu għal abbuż reali fuq tfal

• 

  Tfittxija għall-aggressur li spara u ħalla persuna mejta u sebgħa oħra midrubin fl-Istati Uniti