Il-GWU Youths taqbel li jkun dikjarat stat ta’ emerġenza dwar it-tibdil fil-klima

• Ott 22, 2019 12:37
• Miktub minn iNews

Il-GWU Youths taqbel mal-proposta mressqa mill-Kunsill Nazzjonali taż-Żgħażagħ li fiha qed jintalab li jkun dikjarat stat ta’ emerġenza dwar it-tibdil fil-klima.

It-tibdil fil-klima hija realtà globali u għalhekk pajjiżna għandu jingħaqad mal-kumplament tal-pajjiżi bil-għan li jinħoloq iżjed għarfien dwar l-effetti devastanti li tħalli din il-problema, kif wkoll biex jara li jkun aġġornat il-qafas legiżlattiv eżistenti ħalli jkun hemm iżjed infurzar f’dan ir-rigward.


Wasal iż-żmien fejn mill-kliem immorru għall-fatti u verament nibdew nimplimentaw soluzzjonijiet iżjed konkreti.


Il-GWU Youths tittama li fil-jiem li ġejjin jibdew diskussjonijiet fejn l-għaqdiet mhux governattivi jingħataw l-ispazju kollu meħtieġ biex iressqu l-proposti tagħhom quddiem il-Kunsill Nazzjonali taż-Żgħażagħ kif ukoll quddiem il-Parlament Malti.

 

Simili

• 

  “Il-PM qed iqanqal inċertezza politika … tant wiret gvern imħanżer, tant wiret ħmieġ, li l-kummerċ qed jieqaf” - Id-Deputat Nazzjonalista Edwin Vassallo

• 

  “Fil-Happiness għodosna ’l-isfel” - Id-Deputat Godfrey Farrugia

• 

  “Qed niltaqgħu ma’ familji li tnejn jaħdmu imma ma jkunux ilaħħqu mal-ħajja” - Id-Deputat Nazzjonalista Karl Gouder