“Aħna konna qegħdin niċċelebraw il-ħajja… ftit metri bogħod kien hemm persuna mixħuta għal mejta f’għalqa”

• Ott 22, 2019 10:10
• Miktub minn iNews

L-atleta Fabio Spiteri kiteb jappella lill-ġenituri biex jgħinuhom jidħlu aktar fl-isports.

Spiteri għamel dan billi rrakkonta dwar esperjenza li għadda minnha l-Ħadd li għadda wara s-Super League Triathlon.

Huwa beda bil-parti pożittiva tal-esperjenza u qal li ħassu kuntent b’tant parteċipazzjoni, iżda din il-ħaġa malajr intemmet.

Aktar tard huwa u miexi lemaħ kelb abbandunat u hekk kif prova jaqbdu u spiċċa saħansitra daħal f’għalqa abbandunata ra xi ħaġa li ħasditu.

Hemm mixħuta kien hemm mara nofsha mneżża’, x’aktarx taħt l-effetti tad-droga minħabba li viċin tagħha kien hemm xi seringi.

Huwa kompla jirrakonta u qal li għalkemm prova jqajjimha, din ma rrispondietx u li kienet kiesħa. Huwa mar isejjaħ għall-għajnuna.

Huwa rrakkonta dan kollu biex iqabbel il-mument ta’ ferħ u ċelebrazzjoni tas-saħħa u l-ħajja fuq naħa u ftit metri bogħod kien hemm ċans li tintilef ħajja minħabba l-vizzju tad-droga.

Huwa temm jappella lill-ġenituri biex jinvestu ħinhom u flushom biex jgħinuhom jidħlu fid-dinja tal-isports.

Simili

• 

  ''Il-każijiet ta' qtil politiku seħħew meta l-Partit Laburista ħass li ħadd ma jista' jirbaħlu'' - Adrian Delia

• 

  Raġel ta' 42 sena jweġġa' gravi fin-Naxxar

• 

  F'Pinto Wharf il-pubbliku se jkun jista' jgawdi tlett vapuri navali tan-NATO