Il-President George Vella jiltaqa' mal-Papa Franġisku

  • Set 16, 2019 12:51
  • Miktub minn iNews
"

    L-E.T. il-President George Vella dalgħodu kellu udjenza privata mal-Papa Franġisku fis-Santa Sede.  

    F’kumment wara l-udjenza mal-Papa, il-President Vella esprima s-sodisfazzjon għal-laqgħa li kellu u ddesriva lill-Qdusija Tiegħu bħala persuna tassew qrib il-poplu.  Il-President Vella qal li ħassu qed jitkellem ma’ xi ħadd li jaf u jifhem sew il-ħajja u l-kultura tal-poplu Malti. 

    Wara l-laqgħa, mart il-President is-Sinjura Miriam Vella u wliedu – Claire, Elaine u George, kif ukoll il-Ministru għall-Edukazzjoni u s-sinjura Bartolo, kif ukoll d-delegazzjoni kollha Maltija kellhom l-opportunità li wkoll jiltaqgħu mal-Qdusija Tiegħu l-Papa Franġisku.  Il-President Vella ġedded l-istedina biex il-Papa Franġisku jżur Malta.

    Fi tmiem din l-udjenza privata, sar l-iskambju tar-rigali.  Il-President, f’isem il-poplu Malti ppreżenta lill-Qdusija Tiegħu l-Papa kwadru tal-Madonna Ta’ Pinu magħmula b’teknika tal-mużajk kontemporanju miċ-ċentru arti liturġika Eikon tad-Djoċesi t’Għawdex.

    Iktar tard, il-President kif ukoll l-Onor. Bartolo ltaqgħu wkoll mas-Segretarju tal-Istat tal-Vatikan il-Kardinal Pietro Parolin u s-Sotto Segretarju tal-Istat tal-Vatikan Monsinjur Antoine Camilleri.  Huma ddiskutew fid-dettall bosta temi ta’ relevanza attwali, fosthom l-immigrazzjoni u aspetti oħra tal-politika internazzjonali.  

    Il-President qal li l-Kardinal Parolin wera apprezzament għal kif Malta qed tindirizza l-kwistjoni tal-immigrazzjoni fl-aħħar snin. Il-Kardinal Parolin wera wkoll l-apprezzament tas-Santa Sede ghall-impenn li ħa l-Gvern Malti li jestendi l-finanzjament ta’ laptops fl-iskejjel tal-Knisja fl-interess tat-tfal kollha.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

    0