[AĠĠORNAT] Żona f'Ħal Far imnaddfa wara rimi ta' skart b'mod irresponsabbli

  • Aww 13, 2019 12:32
  • Miktub minn iNews
"

    Fuq il-profil tiegħu ta' Facebook, il-Ministru għall-Ġustizzja Kultura u Gvern Lokali Owen Bonnici rringrazzja lill-ħaddiema ta' Cleansing and Maintenance Division li naddfu parti mit-triq ta' Ħal Far wara li diversi affarijiet intremew fiż-żona b'mod irrisponsabbli.

    Bonnici ma naqasx milli juri solidarjetà mal-Kunsill Lokali taż-Żurrieq li kien għadu kemm naddaf din il-parti ftit qabel. Huwa kellu kliem ta' tifħir għas-Sindku Rita Grima għax-xogħol siewi tagħha biex tieħu ħsieb l-indafa.

    Filwaqt li ħeġġeġ lil kulħadd biex jirraporta meta jara rimi ta' skart illegali, huwa żied jgħid li din is-sena d-Diviżjoni diġà naddfet aktar minn 8,500 tunnellata ta' skart illegali.

    Qabel: Minkejja l-appell imqanqal tas-Sindku taż-Żurrieq, l-ammont ta' skart biswit il-Laboratorju tal-Paċi ġewwa Ħal Far għadu ma nġabarx mill-Awtoritajiet rispettivi.

    Kien nhar is-Sibt li għadda li Rita Grima, li kienet eletta bħala Sindku tal-lokalita taż-Żurrieq għall-ewwel darba fl-elezzjoni ta' Mejju li għadda, ikkritikat l-ammont ta' skart li kien mitfugħ biswit it-triq imsemmija, u ddeskriviet is-sitwazzjoni bħala "tal-mistħija u tal-biki! Wara li l-Kunsill Lokali taż-Żurrieq naddaf Triq Ħal Far, fejn nefaq ħafna flus, ħela ħafna enerġija u riżorsi, f'din it-triq, erġajna sibna sitwazzjoni bħal din."

    Meta l-Orizzont żar il-post, ra kif l-iskart ma kienx għadu ntmiss mir-ritratt ppubblikat minn Grima tlett ijiem ilu, u jidher li dawn il-ħwejjeġ ilhom hemm għal xejn inqas minn ħamest ijiem.

     

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

    0