Id-Dwana b’sekwestru ta’ 4000 flixkun bla dazju f’numru ta’ ħwienet

• Ġun 26, 2019 16:31
• Miktub minn iNews

Numru ta’ spezzjonijiet f’lokalitajiet differenti f’Malta iwasslu biex jinqabdu 3,740 sigarett, u mat-22 kilogramma ta’ tabakk mibjugħ illegalment

L-Uffiċjali tad-Dwana ħabbru li, wara numru ta’ tfittxijiet f’diversi lokalitajiet, ġew konfiskati numru ta’ prodotti li kienu qegħdin jinbiegħu illegalment mingħajr dazju. “Dan kien qiegħed isir biex tkompli l-ġlieda kontra l-operat tat-traffikar illegali, u biex jiġu miġbura t-taxxi dovuti.”

Fit-tfittxijiet li huma għamlu ġewwa ir-Rabat, Ħad-Dingli, il-Mosta, San Pawl il-Baħar, Tas-Sliema, San Ġiljan, Paceville, Ħal Balzan, Ħal Lija u Marsaxlokk, l-membri tat-taqsima tal-infurzar fi ħdan id-dwana sabu 3,740 sigarett, 21.6 kilogramma ta’ tabakk, 3,727 flixkun non-alkoholika, 217 flixkun tal-inbid, u 53 flixkun ieħor li kienu qegħdin jinbiegħu mingħajr ma tħallas id-dazju tagħhom.

Liema tfittxijiet, li saru fuq numru ta’ jiem, involvew ammont ta’ ħwienet differenti, fejn il-prodotti msemmija hawn fuq kienu kollha għall-bejgħ.

Simili

• 

  Impjegati ta’ Maltco jingħaqdu biex jagħtu d-demm

• 

  Kuntistabbli jsegwi raġel li tefagħlu trab f'għajnejh u jindarab b'daqqa ta' bieba

• 

  “Xbajt id-dar nibki fis-solitudni minħabba li jien bipolari” - żagħżugħ b’kundizzjoni fiżika u mentali