Daqshekk nies fuq spallejn fil-każin ta' San Filep wara filmat kontroversjali

  • Ġun 12, 2019 11:23
  • Miktub minn iNews
"

    L-Għaqda Każin Banda San Filep ta' Ħaż-Żebbuġ iddeċieda li ma jħallix aktar nies fuq l-ispallejn waqt il-festa tar-raħal.

    Huwa iddeċieda wkoll li jagħmel kontroll ikbr fuq il-mużika li tindaqq fil-każin fil-jiem tal-festa liema mużika trid tiġi approvata minn qabel.

    Il-każin ħa din id-deċiżjoni fl-isfond tal-kontroversja li nqalgħet bil-vidjow li fih id-deputata Marlene Farrugia tidher mgħollija fuq l-ispallejn waqt li numru ta' persuni jinstemgħu joffendu lill-PN.

    Dan urta bis-sħiħ lis-Segretarju Ġenerali tal-PN Clyde Puli li ħadha kontriha u saħansitra iddeskriviha “lifgħa f'ħobbitna”.

    Il-każin qal li huwa jżomm 'il barra mill-politika tant li żewġ membri żgħażagħ tal-kumitat li kienu preżenti immedjatament waqqfu l-mużika li kienet qiegħda tiġi abbużata minn dawk li huwa iddeskriva “ftit nies irresponsabbli” ġo bar miftuħ għall-pubbliku.

    Farrugia għadha tinsisti li hija ma offenditx lill-PN u anke s-sieħeb tagħha Godfrey Farrugia qabeż għaliha.

    Hija rrimarkat li lil Puli taħfirlu anke jekk żbalja u saħqet li mhux il-mument li jkun tollerat aktar ġlied u intriċċi fi ħdan l-Oppożizzjoni.

    Madankollu kienu bosta dawk in-Nazzjonalisti li fuq il-profil tagħha tal-Facebook baqgħu jikkundannaw lil Farrugia għall-għemil tagħha fl-imsemmi każin.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

    0