Ingredjenti:
400g sider tat-tiġieġ, imsajjar u mqatta' biċċiet
400g linguine
melħ u bżar
kikkra mill-ilma fejn issajjar l-għaġin
70g weraq żghar tal-ispinaċi friska
2 mgħaref żejt taż-żebbuġa
qoxra maħkuka ta' nofs lumija
niskata stevia
2 mgħaref meraq tal-lumi
kikkra rkotta
parmiġġan biex isservi
flieli tal-lumi mqattgħin irqaq biex iżżejjen il-wiċċ
Metodu:
Sajjar l-għaġin skont l-istruzzjonijiet fuq il-pakkett. Saffi u erfa' kikkra mill-ilma.
Saħħan ftit żejt taż-żebbuġa ġo taġen kbir fuq nar baxx.
Uża hand blender biex titħan l-irkotta, il-meraq tal-lumi u l-qoxra maħkuka tal-lumija. Żid l-istevia, melħ u bżar u ħawwad.
Żid l-għaġin maż-żejt taż-żebbuġa ġot-taġen, ħawwad bil-mod u żid it-taħlita tal-irkotta. Ħawwad. Jekk għandek bżonn li jkun aktar kremuż, żid l-ilma li rfajt sakemm il-konsistenza tkun kif tridha.
Żid nofs it-tiġieġ. Ħawwad u neħħi minn fuq in-nar.
Poġġi ġo dixx biex isservi f'nofs il-mejda u żejjen il-wiċċ bil-bqija tat-tiġieġ, l-ispinaċi, ġobon parmiġġan maħkuk u flieli tal-lumi.
Tistgħu ssibu aktar riċetti ta' Lea Hogg fuq inewsmalta.com, l-Orizzont tal-Erbgħa u s-Sibt kif ukoll it-Torċa kull nhar ta' Ħadd. Tistgħu ssegwu ukoll lil Lea kuljum f'xandira diretta fuq Radju Smash 104.6FM u fuq il-blog www.goodfoodeveryday.wordpress.com
"
