Serb jaqa’ minn fuq ċint għal ġo wied u jweġġa’ gravi

Għall-ħabta tal-4:00 p.m., il-Pulizija ġiet infurmata li kien hemm bżonn l-assistenza tagħha fil-limiti tal-wied fi Triq Birkirkara, San Ġiljan, minħabba li kien  weġġa’ raġel.  

Il-Pulizija marret minnufih fuq il-post u minn stħarriġ preliminari li sar, irriżulta li Serb kien sofra xi ġrieħi wara li waqa’ minn fuq ċint u ġie ġol-wied.  

Fuq il-post issejjaħ tim mediku u l-membri tal-Protezzjoni Ċivili li taw l-ewwel  għajnuna. Ambulanza ħadet lil vittma l-Isptar Mater Dei għall-kura meħtieġa, fejn aktar  tard ġie ċċertifikat li qed isofri min ġrieħi gravi.  

L-investigazzjoni tal-Pulizija dwar dan l-inċident għadha għaddejja.

Share With: