Biljunarju Ingliż jirreġistra diversi kumpaniji f’Malta

Dalgħodu l-ġurnal il-Mument irrapporta kif il-biljunarju Ingliż Sir James Dyson irreġistra ħafna mill-kumpaniji tiegħu f’Malta.

Fir-rapport intqal li ċ-ċentru finanzjarju f’Malta qiegħed jeċċella u dan huwa prova ta’ dan. Jingħad li Dyson wasal għad-deċiżjoni li jitrasferixxi kollox lejn Malta minħabba l-effiċjenza ta' dan l-istess ċentru. Fl-eqqel ta’ żminijiet ekonomiċi diffiċli il-kumpaniji ta’ Dyson biegħu iktar minn biljun lira sterlina. Intqal, li skont rapporti fl-Ingilterra Dyson se jkun ittrasferixxa f'Malta fondi ta' 500 miljun lira sterlina. Fost oħrajn, Dyson jibqa’ l-ikar magħruf għax ħoloq il-vacuum cleaner mingħajr borża.