Qabduh! Żeba' xagħru u pinġa jdejh biex ma jintgħarafx

It-Tnejn, għall-ħabta tal-23.00, il-Pulizija arrestaw lir-Rumen li fid-9 ta’ Settembru deher jisraq mir-ristorant Aroma fuq filmat tas-CCTV. Kienet operazzjoni mmexxija mill-iSpettur Jason Sultana, tad-distrett ta’ Tas-Sliema, li waslet għall-arrest ta’ dan ir-raġel, f’residenza fis-Swieqi. Jidher li l-pulizija kellha xi ħjiel li f’residenza fis-Swieqi seta’ kien hemm suspettat. Meta l-pulizija ħabtet il-bieb ta’ din ir-residenza fi Triq il-Gabilott, il-qraba tal-allegat ħalliel qalu li ma kienx hemm u kien San Ġiljan.

Iżda, il-pulizija insistew li jagħmlu tfittxija. Kien hawn li sabu lir-Rumen ta’ madwar 23 sena moħbi fil-post taħt is-saqqu tas-sodda maħsub biex jintregħu l-affarijiet. Jirriżulta li hawn ir-Rumen ma’ offra l-ebda reżistenza. Jidher li r-Rumen żeba’ xagħru u għamel it-tpinġija fuq idejh it-tnejn biex b’hekk ma jintarafx. Dan fid-dawl li idejh dehru ħafna fil-filmat.

Mir-ristorant Aroma f'Tas-Sliema dan ir-raġel seraq madwar €2,700. Jirriżulta li dak in-nhar stenna lil waiter jillarga ftit sal-kċina biex mar fuq il-cash u ħa l-ammont ta' flus li kien hemm fiha. Huwa mistenni jitressaq il-Qorti fis-sigħat li ġejjin.