Biża’ minn ħuta li taqta’ l-partijiet intimi tal-irġiel

Fl-aħħar jiem tlett itfal esperjenzaw ħaġa mhux tas-soltu hekk kif kienu qegħdin jgħumu fix-xmara Mekong li tinsab fir-reġjun ta’ Thap fil-Vjetnam meta ħuta attakkatilhom il-parti tagħhom.

Dan il-każ qajjem paniku kbir hekk kif ġew irrapportati diversi każi oħrajn fejn l-istess ħuta ġidmet lil irġiel oħrajn fl-istess parti ta’ ġisimhom b’konsegwenza li qatgħet barra l-organu sesswali tal-irġiel.

Fil-5 ta’ Awwissu, Nguyen Huu Thien ta’ seba’ snin safa attakkat minn din il-ħuta li qatgħetlu l-parti intima tiegħu barra. Thien kien qed jgħum ma’ sħabu fix-xmara Kenh Giua filwaqt li kien mgħasses mill-ġenituri tiegħu. Skont xhieda rrapportati minn Morning Starr, it-tifel beda jgħajjat u pprova jneħħi l-ħuta b’idejh. It-tifel spiċċa biex kellu jittieħed l-isptar kważi mingħajr l-organu sesswali.

Erbat ijiem wara tifel ieħor li kien qed jgħum fl-istess inħawi flimkien ma’ oħtu safa attakkat u għal darb’oħra kważi tilef il-parti intima tiegħu wkoll. Ma kienx l-aħħar wieħed hekk kif kien irrapportat ukoll każi ieħor iżda ma ngħatawx dettalji dwaru.

S’issa ħadd għadu ma jaf eżatt x’tip ta’ ħuta hi però hemm suspetti li din il-ħuta hi l-‘pacu’, li tixbaħ il-piranja iżda li għandha s-snien bħal ta’ bniedem. Li hu stramb li ssoltu l-‘pacu’ tinstab fl-Amerika t’Isfel.