Għoli tal-ħajja

  • Set 08, 2017 19:19
  • Miktub minn Charles Miceli

    Għoli tal-ħajja

    Il-baġit iġib miegħu ċerta stennija. L-aktar minn dawk li qegħdin fl-aħħar skaluni tas-soċjetà. Dawk li jaqilgħuha u jikluha. Meta jaqilgħuha.

    Dawn huma l-istess nies li jħokku naqra rashom meta jisimgħu li l-ekonomija kibret b’6.4% bejn April u Ġunju ta’ din is-sena. Tajjeb jgħidulek. Imma l-ekonomija ta’ min?

    Bir-raġun, la l-ekonomija sejra tajjeb, nistennew li mill-ġid li qed jinħoloq igawdi kulħadd. 

    Wara kollox hekk titlob il-ġustizzja soċjali.

    Żieda

    F’sitwazzjni bħal din ma tantx idoqq sabiħ li ż-żieda li mistennija tingħata fil-baġit għall-għoli tal-ħajja se tkun ta’ €1.75 biss.

    Veru li fil-baġit li għadda konna ngħatajna xi ħaga żejda, imma kif tista’ tifhem li €1.75 fil-ġimgħa se jagħmlu tajjeb għall-għoli tal-ħajja?

    Mis-sena l-oħra lil hawn il-ħajja kompliet togħla, l-aktar il-kirjiet. Li nistgħu ngħidu splodew. 

    Imma kif tinħadem l-inflazzjoni, biex imbagħad fuqha tingħata ż-żieda, donnu l-kera ma tantx teffettwa.

    Kera u ikel

    Jien ekonomista m’iniex. Imma meta titkellem man-nies li qegħdin hemm taħt, jgħidulek li l-biċċa l-kbira ta’ flushom jonfquhom fil-kera u fl-ikel. 

    Is-sena li għaddiet, wieħed mill-ekonomista ewlenin, qalilna li l-ħajja għal dawn in-nies togħla ferm iżjed.

    U skont il-kalkoli tiegħi, maħduma fuq l-istudju tal-Caritas, il-ħajja għoliet bejn 6% u 8%.

    Ovvjament, min jgħix bil-paga minima jew bil-pensjoni, biex ma nsemmix ukoll lil dawk li jgħixu bil-benefiċċji, m’għandu bzonn l-ebda ekonomista biex jgħidlu kemm għoliet il-ħajja.

    Il-pass li jmiss

    Għal min jemmen fil-ġustizzja soċjali, il-progress jew in-nuqqas tiegħu, jitkejjel bit-tip ta’ ħajja li jkunu qed jgħixu dawk l-aktar dgħajfa fost il-membri tas-soċjetà.

    Għalhekk irid jinstab mezz kif dawn in-nies jibdew jieħdu naqra tar-ruħ. Miniex ngħid li ma sar xejn. Imma kulħadd jaqbel li jonqos ħafna xi jsir.

    U naħseb pass importanti jkun li nsibu mezz kif lil dawn in-nies nikkumpensawhom bis-serjetà għall-għoli tal-ħajja. 

     

     

     

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

  •  

Facebook