Attenti!

  • Fra 20, 2014 08:41
  • Miktub minn

    Mhumiex sbieħ l-istejjer li qed joħorġu dwar tbagħbis f’kontijiet tad-dawl u l-ilma, kontejners tal-Freeport u ma nafx xiex aktar. Donnhom qed jagħtu xhieda li fl-amministrazzjoni tal-gvern nibtu matul is-snin xbieki ta’ frodi, korruzzjoni, ħala - sejħilhom li trid - u li dawn ibbenefikaw minn kompliċitajiet mifruxa.

    Inutli li l-PN jilgħabha tat-trux u l-mutu f’din il-ħaġa. M’hemmx għalfejn tgħid li dan jew dak il-ministru ta’ gonzi-pn kien hekk jew hekk. Jien lest nemmen li la hekk u lanqas hekk. Biss min-naħa l-oħra, il-frodi u t-taħwid dejjem iħallu traċċi warajhom. Anki jekk ma tkunx taf kif jew min, trid tieħu passi biex tagħlaq it-toqob. Ma jidhirx li ttieħdu dawn il-passi jew jidher li kien hemm bżonn ta’ aktar sforzi. U minn hekk li toħroġ ir-responsabbiltà politika. Żgur li hemm ħafna li l-partit fl-Oppożizzjoni llum għandu jirrispondi għalih: it-tmexxija tal-amministrazzjoni publika fiż-żmien meta kien fil-gvern baqgħet laxka għall-aħħar.

    U dan iwassal liċ-ċittadini biex lill-gvern Laburista jfakkruh kemm għandu jibqa’ attent, biex jagħlaq kull toqba li minnha jistgħu jbejtu t-tixħim u l-korruzzjoni.

    ***

    Fl-Iżvizzera

    Ir-referendum fl-Iżvizzera fejn ġie deċiż li l-barranin li jgħixu fl-Iżvizzera jridu jkunu taħt kwota ssettjata skont in-nazzjon li minnu joriġina r-resident qed toħloq saram kbir fir-relazzjonijiet bejn l-Iżvizzera u l-Unjoni Ewropea. Id-deċizjoni tar-referendum tmur kontra qbil li ż-żewġ naħat għandhom bejniethom li jippermetti liċ-ċittadini tagħhom imorru joqogħdu fejn iridu fit-territorju tat-tnejn.

    L-Iżvizzera hi fost il-pajjiżi Ewropej li proporzjonalment għandhom l-aktar barranin jgħixu f’arthom. B’maġġoranza ċkejkna l-Iżvizzeri issa qatgħuha li jridu jikkontrollaw din is-sitwazzjoni. Biss hu fatt li mingħajr il-barranin li jgħixu għandha, l-Iżvizzera togħtor ekonomikament.

    Id-deċiżjoni tal-Iżvizzeri ġiet fi żmien ħażin għall-Unjoni Ewropea. Ma tantx tista’ taċċetta din il-bidla radikali fil-mod kif inhuma organizzati r-rabtiet tagħha ma’ dan il-pajjiż li diġà fl-imgħoddi rrifjuta li jissieħeb fl-Unjoni. L-elezzjonijiet għall-Parlament Ewropew qed jiżviluppaw madwar kontroversji dwar l-identitajiet u l-awtonomiji nazzjonali. L-Iżvizzera qed terġa’ tqajjem mistoqsijiet diffiċli dwar it-tisħiħ permanenti tal-istrutturi Ewropej.

    ***

    Seminars

    Bħalissa għaddejja mewġa ta’ seminars u laqgħat pubbliċi dwar l-Unjoni Ewropea fejn ikunu mistennija jidhru l-kandiati għall-elezzjonijiet tal-Parlament Ewropew, fosthom jien. M’hemm xejn sorprendenti f’dil-biċċa. L-elezzjonijiet jinsabu magħna.

    Biss qed ninnota nuqqas ta’ interess fost il-pubbliku fil-materji li qed jitqanqlu għad-diskussjoni. Mhux qed ikun hemm daqstant ħerqa u kontroversja, mentri l-izviluppi li x’aktarx iseħħu fl-Ewropa fis-snin li ġejjin se jkunu kontroversjali u se jqajmu polemiki qawwija.

    Jekk jiġri hekk, l-istess żviluppi se jolqtuna bil-kbir. Imma anki din il-possibiltà donnha mhix tqanqal wisq nies.

    (alfredsant.org),

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 2

  •  
    anonimu
    Fra 20, 2014

    Hahna nies hasbu li dehlin fl ewropa!Mhux fl unjoni ewropea!Kien hemm hafna li ivvotaw ghal ewropa.Int dejjem tkellimt tajjeb ghax ridt il gid lill MALTA.Hadt ma jtik xejn ghal xejn.

    Irrispondi
  •  
    anonimu
    Fra 20, 2014

    Hemm bzonn nitilqu

    Irrispondi
  •  

Facebook