Rosenborg viċin is-26 titlu tan-Norveġja

    Hekk kif fadal biss żewġ logħbiet minn tmiem il-kampjonat Norveġiż, Rosenborg jinsabu pass biss bogħod mis-26 titlu tagħhom aktar u aktar meta fi tmiem din il-ġimgħa huma għelbu lil Odd bl-iskor ta’ 3-2. Rosenborg jinsabu jgawdu ħames punti vantaġġ fuq l-eqreb rivali tagħhom li minkejja li rebħu 3-1 kontra Stromgodset, għadhom iħossu t-telfa fil-konfront dirett kontra l-leaders tal-klassifika ftit tal-jiem ilu.

    Rosenborgkellhom kampjonat ferm pożittiv s’issa meta rebħu 18-il partita u tilfu biss erba’ logħbiet minn total ta’ 28 milgħuba. It-tim kien xprunat mill-midfielder Mike Jensen li skorja sitt gowls kif ukoll mill-attakkant Alexander Soderlund li sab ix-xibka tmien darbiet.

    F’kummenti li ta wara l-partita kontra Odd, il-coach Olandiż ta’ Rosenborg, Rini Coolen, kien ferm sodisfatt li fl-ewwel xhur fit-tmexxija tat-team jidhru tant viċin dan is-suċċess u tenna li ser jagħmel minn kollox sabiex itemm il-kampjonat bl-aqwa mod possibbli.