Thierry Henry coach ta’ Monaco?

    L-eks attakkant ta’ Arsenal, Thierry Henry, qed jiġi kkunsidrat bħala s-sostitut denju tal-coach, Leonardo Jardim, fit-tmexxija tat-team ta’ Monaco. 

    Il-klabb Franċiż huwa mistenni li jkeċċi lill-Portugiż  hekk kif it-team jinsabu fiż-żona tar-relegazzjoni fil-Ligue 1 b’sitt punti minn disa logħbiet.

    Henry, li qed jiġi wkoll segwit minn Aston Villa biex ikun il-manager il-gdid tagħhom, beda l-karriera professjonali tiegħu ma’ Monaco u għenhom jirbhu l-Ligue 1, fil-1997.

    Jardim mexxa lit-teamgħal titlu ieħor fl-2017, l-ewwel wieħed mill-2000.

    L-eks manager ta’ Sporting Lisbon ġie maħtur minn Monaco, fl-2014, u għen fl-iżvilupp tal-players bħal Kylian Mbappe ta’ PSG, Thomas Lemar ta' Atletico Madrid, u l-koppjata’ Manchester City Bernardo Silva u Benjamin Mendy.

    Jardim iggwida wkoll lit-team  Franċiżgħas-semi-finali tal-UEFA Champions League matul il-kampanja 2016-17.