Imexxi l-Paediatric Cardiology Services f’Mater Dei waqt il-ġurnata... pittur fil-ħin liberu

    Il-Professur Victor Grech imexxi l-Paediatric Cardiology Services fl-Isptar Mater Dei, filwaqt li jpitter fil-ħin liberu tiegħu. Hu wkoll il-President tal-fondazzjoni indipendenti Beating Hearts Malta (BHM) li twaqqfet primarjament biex tkun ta’ appoġġ fejn jidħlu l-bżonnijiet li jkollhom ġenituri ta’ tfal li jitwieldu bi problemi f’qalbhom, kif ukoll ta’ pazjenti adulti b’difetti f’qalbhom.

    Il-BHM tiġbor ukoll fondi biex tixtri apparat mediku fil-qasam tal-kardjoloġija għall-Isptar Mater Dei. Il-flus li jinġabru mill-bejgħ ta’ pitturi tal-Professur Grech se jmorru kollha għand il-BHM. Il-Professur Grech għadda lill-BHM 150 pittura li se jkunu esebiti f’diversi lukandi. Għaddejja wkoll ħidma biex pitturi tal-Professur Grech ikunu esebiti f’Londra, Brussell u l-Awstralja għall-okkażjoni ta’ Jum l-Indipendenza ta’ Malta.

    Id-Deputat Prim Ministru u Ministru għas-Saħħa Chris Fearne llum żar din il-wirja.