Aħbar tajba għal kull min jimxi ma' dieta veġetarjana … Dieta bbażata fuq ħaxix tnaqqas ir-riskju ta' mard tal-qalb bi 42%

    Dieta veġetarjana tnaqqas ir-riskji assoċjat ma’ mard tal-qalb bin-nofs. Dan ħareġ minn tusdju mill-Iskola tal-Mediċina ta’ Icahn, fi New York. Dan l-istudju, li kien ippubblikat fl-aħħar jiem juri li dawk li waqfu jieklu laħmijiet ipproċessati u ikel b’kontenut ta’ xaħmijiet għal dieta bbażata fil-biċċa l-kbira tagħha fuq ħaxix għandhom 42% inqas ċans li jiżviluppaw mard tal-qalb.

    Fl-istudju li dam għaddej erba’ snin u li tmexxa minn Dr Kyla Lara, esperti eżaminaw ħames tipi ta’ dieta li tvarja minn laħam aħmar, għal ikel ibbażat minn ħaxix, ħelu u alkoħol.

    Mard tal-qalb tat-tip koronarju huwa responsabbli għal 70,000 fatalità fl-Ingilterra biss kull sena.

    Fl-istudju, Dr Lara kkunsidrat ukoll studji preċedenti li juru li dak li jieklu n-nies jaf ikollhom impatt fuq l-arterji tal-qalb, u jwassal għal puplesiji u attakki tal-qalb.