Terġa' tibda tinqala' t-triq tal-Baħrija

    Residenti li joqogħdu l-Baħrija ma setgħux jemmnu lil għajnejhom meta raw li t-triq li fiha kienu nstabu għadd ta' oqbra u li kienet intradmet, ilbieraħ reġgħet infetħet.

    "Dan xi ppjanar sar?" staqsa lil inewsmalta.com wieħed mir-residenti.

    "Kollox kien qed jidher li x-xogħol se jitlesta fi ftit jiem oħra imma issa reġa' beda jitħaffer gandott," qalilna l-istess residenti.

    Intant sorsi qrib ix-xogħlijiet qalu lil inewsmalta.com li oriġinarjament il-katusi tad-drenaġġ kienu se jgħaddu mill-ġenb tat-triq iżda jidher li nqalgħu xi intoppi, u issa ġie deċiż li titħaffer it-triq u l-katusi jgħaddu minn kanal.