Mark Zuckerberg b’idea ġdida!

  • Aww 21, 2013 16:08
  • Miktub minn
"

    Ħafna minnha ma jagħrfux l-importanza tal-Internet. Imma aħsbu daqsxejn x’jista’ jfisser aċċess għall-Internet għal 5 biljun persuna li ma jħaddnux is-servizz?

    Din hija l-idea wara l-kampanja l-ġdida bl-isem ta’ “internet.org”, immexxija mill-fundatur ta’ Facebook Mark Zuckerberg.

    “Irridu nagħmluha possibbli li kulħadd f’kull moment – tifel li qed jikber fl-Indja li qatt ma kellu kompjuter – jista jmur f’ħanut, jieħu mowbajl, jidħol onlajn u jkollu aċċess għall-affarijiet kollha li jiena u inti ngawdu minnhom ta’ kuljum fl-Internet,” qal Zuckerberg f’intervista esklussiva mal-ġurnalist ta’ CNN Chris Cuomo.

    “Se jużaw l-Internet biex jiddeċiedu liema gvern jridu, ikollhom aċċess għal kura tas-saħħa għall-ewwel darba, jikkuntattjaw ma’ membri tal-familja mijiet ta’ mili ’l bogħod,” jgħid Zuckerberg.

    Aktar minn 4.5 biljun persuna minn 7 biljun persuna f’din id-dinja m’għandhomx aċċess għall-Internet. L-ikbar ammonti huma fl-Eritrea (0.8%),, Timor-Leste (0.9%), u Myanmar (1.1%),. Anke fl-Istati Uniti 19% m’għandhomx aċċess għall-Internet.

    Madwar biljun persuna diġà qed jużaw Facebook. Zuckerberg jimmaġina dinja fejn kulħadd iħaddan l-istess abbiltà biex jaqsam l-opinjoni u jitkellem liberament. “Il-konnettività huwa dritt uman,” temm jgħid Zuckerberg.

    Il-fundatur ta’ Facebook jinsab f’taħditiet ma’ kumpaniji kbar teknoloġiċi bħal Nokia, Qualcomm u Samsung hekk kif sostna li diġà nefaq biljun sterlina fil-missjoni tiegħu u lest li jonfoq ħafna aktar.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

    1