Il-President George Vella jieħu sehem fil-kommemorazzjoni tal-ħelsien ta’ Auschwitz-Birkenau minn taħt in-Nazzisti

  • Jan 27, 2020 20:16
  • Miktub minn iNews

    Il-President George Vella ħa sehem fil-kommemorazzjoni ta’ meta l-kamp tal-konċentrament ta’ Auschwitz-Birkenau nħeles minn taħt in-Nazzisti, ċerimonja li saret iktar kmieni llum fil-Polonja. 

    F’kummenti dwar is-sinifikat tal-75 sena mindu seħħ dan l-avveniment dinji, il-President Vella qal li l-ħruxijiet li ġraw fil-kampijiet tal-konċentrament ma nistgħux ninsewhom. “Donnu ma tantx tgħallimna minn din l-esperjenza ta’ dieqa għax għad hawn minoranzi li qed jiġu trattati ħażin f’ċerti partijet tad-dinja. Jeħtieġ li l-komunità internazzjonali tifhem is-sinifikat tal-ġrajjiet li qed infakkru llum u ma tippermetti li mkien fid-dinja ma jibqgħu jsiru dawn il-ħruxijiet.”

    Iċ-ċerimonja simbolika saret ’il barra mill-belt ta’ Krakovja, quddiem id-daħla ta’ wieħed mill-iktar kampijiet tal-konċentrament Auschwitz-Birkenau li fih inqatlu priġunieri tal-Ġermaniżi fit-Tieni Gwerra Dinjija. Minbarra li tfakkru l-vittmi li ħallew ħajjithom f’dan il-kamp tal-konċentrament, spikkaw ir-rakkonti ta’ dawk li salvaw mill-Olokawst, b’esperjenzi li rrakkuntaw u missew il-qlub. 

    Iktar minn 50 kap ta’ stat u mexxejja dinjin attendew għal din iċ-ċerimonja, fosthom il-President George Vella li mexxa delegazzjoni Maltija li fost l-oħrajn kienet tikkonsisti wkoll mill-Ministru għall-Affarijiet Barranin u Ewropej Evarist Bartolo.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

  •  

Riċetti

Facebook