Il-President George Vella se jattendi għall-kommemorazzjoni tal-ħelsien tal-kamp tal-konċentrament ta’ Auschwitz-Birkenau minn taħt in-Nażisti

  • Jan 26, 2020 19:50
  • Miktub minn iNews

    Illum, il-President George Vella ħalla Malta għall-Polonja biex ikun jista’ jattendi għall-kommemorazzjoni ta’ meta l-kamp tal-konċentrament ta’ Auschwitz-Birkenau nħeles minn taħt in-Nażisti.

    Dan hekk kif għada, it-Tnejn 27 ta’ Jannar, jaħbat il-75 sena mindu seħħ dan l-avveniment dinji li se jitfakkar b’ċerimonja simbolika fi Krakovja, quddiem id-daħla ta’ wieħed mill-iktar kampijiet tal-konċentrament li fih inqatlu priġunieri tal-Ġermaniżi fit-Tieni Gwerra Dinjija, li 40% minnhom kienu Pollakki. Fost il-vittmi li l-iktar jissemmew li nqatlu f’Auschwitz-Birkenau kien hemm Lhud, żingari u priġunieri minn 20 pajjiż differenti.

    Fl-okkażjoni ta’ dan l-anniversarju, se ssir kommemorazzjoni f’Auschwitz-Birkenau li matulha mistennija jitfakkru l-vittmi li ħallew ħajjithom f’dan il-kamp tal-konċentrament. Maż-żmien, dan il-post bħal inbidel f’monument simboliku tal-ħruxijiet li għaddew minnhom il-priġunieri li kienu jinżammu arrestati f’Auschwitz-Birkenau waqt it-Tieni Gwerra Dinjija.

    Iktar minn 50 kapijiet ta’ stat u mexxejja dinjin se jattendu għal din iċ-ċerimonja, fosthom il-President George Vella li se jkun qed imexxi delegazzjoni Maltija li fost l-oħrajn se tikkonsisti wkoll lill-Ministru għall-Affarijiet Barranin u Ewropej, Evarist Bartolo.

    Waqt li se jkun il-Polonja, il-President Vella se jkollu laqgħat mal-Arċisqof ta’ Krakovja, Marek Jedraszewski, kif ukoll mas-Sindju ta’ Krakovja, Jacek Majchrowski. Barra minn hekk, se jkun qed jindirizza lill-istudenti f’waħda mill-eqdem u l-iktar universitajiet prestiġjużi fl-Ewropa, Jagiellonian University, u se jiltaqa’ mal-ogħla uffiċjali tal-istess università.

    Sakemm il-President Vella se jkun il-Polonja, is-Sinjura Dolores Cristina se tkun qed isservi fil-kariga ta’ Aġent President.

    @tweetembed@

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

  •  

Riċetti

Facebook