Tkompli teskala s-sitwazzjoni f'Hong kong … Mal-500 student maqbudin f'università wara assedju tal-Pulizija

• Nov 18, 2019 20:00
• Miktub minn iNews

Mal-500 dimostrant huma maħsubin li huma maqbudin f’università f’Hong Kong hekk kif il-pulizija għamlu assedju fuq il-kampus.

Aktar kmieni llum, il-Pulizija kienu rnexxielhom jirreżistu lil dimostranti li kellhom fil-pussess tagħhom Molotov cocktails u armi oħrajn u li kienu fil-Polytechnic University ta’ Hong Kong, hekk kif uħud minnhom ipprovaw jaħarbu mill-kampus.

F’kumment li għadda tard illum lil NBC News, id-deoutat direttur għall-komunikazzjonijiet tal-università qal li huwa maħsub li mal-500 persuna għadhom maqbudin fl-università.

Il-Pulizija ċċirkondaw il-binja tal-università matul il-jum tal-bieraħ, u għamlu użu minn kanuni tal-ilma, gass tatd0dmugħ u vetturi tal-pulizija biex jirnexxilhom iżommu lura lid-dimostranti hekk kif is-sitwazzjoni eskalat.

Intant tard illum mijiet ta’ nies li jappoġġjaw lid-dimostranti dehru jimarċjaw fid-direzzjoni tal-università. Huma nstemgħu jgħajtu “Salvaw l-istudenti tal-Polytechnic University” u “Nies ta’ Hong Kong, imxu flimkien”.

Simili

• 

  [FIL-MESSIKU] Kelb jiġri wara l-karozza li abbandunatu u xeħtitu fit-triq

• 

  Sabu mħabbithom fuq applikazzjoni tad-dating, iżżewwġu u 10 snin wara l-kilwa tal-mara qablet ma' dik ta' żewġha

• 

  Merkel titkellem dwar il-“mistħija” li tħoss fl-ewwel żjara tagħha f'Auschwitz