Aktar dimostrazzjonijiet vjolenti f'Hong Kong bin-nies tinżel fit-toroq tfakkar il-mewt tal-istudent Chow Tsz-lok

• Nov 10, 2019 17:17
• Miktub minn iNews

Hong Kong kien ikkaratterizzat għal darb’oħra minn dimostrazzjonijiet vjolenti hekk kif numru kbir ta’ dimostranti niżlu fit-toroq tal-belt u vvandalizzaw stazzjon tas-subway u ċentru kummerċjali.

Il-midja lokali qed tirrapporta li diversi persuni sfaw arrestati, bil-pulizija tagħmel użu minn gass tad-dmugħ wara li nqala’ ġlied bejn dimostranti u pulizija preżenti.

Intant matul il-jum tal-bieraħ komplew il-vġili biex ifakkru l-mewt ta’ Chow Tsz-lok, l-istudent ta’ 22 sena, li miet nhar il-Ġimgħa li għadda, erbat ijiem wara li waqa’ minn għoli ta’ madwar sular f’parkeġġ.

Chow huwa maħsub li kien l-ewwel persuna li miet kaġun tal-ġrieħi li sofra fid-dimostrazzjonijiet li ilhom għaddejjin għal dawn l-aħħar ħames xhur.

Intant id-dimostranti qed jitolbu għal strajk ġenerali matul il-jum ta’ għada bit-tama li jipparalizzaw lill-kapitali finanzjarja bħalma kienu għamlu fil-5 ta’ Awwissu li għadda. Dakinar id-dimostranti kienu anke għalqu partijiet mill-ajruport, b’aktar minn 200 titjira tiġi affettwata.

Simili

• 

  Il-Finlandja bl-iżgħar Prim Ministru fid-dinja... Gvern magħmul minn ħames partiti kollha mmexxija minn mara

• 

  [FIR-RENJU UNIT] Omm tinqatel b'daqqa ta' sikkina wara li ppruvat tferraq ġlieda żewġt irġiel

• 

  Diżgwit fost il-pajjiżi membri tan-NATO