Is-Sette Gungio u Manwel Attard... Jispikka l-aspett uman fil-produzzjoni ta' Tony Terribile

• Ott 02, 2019 17:22
• Miktub minn iNews

Grupp ta’ Slimiżi għamlu riċerka flimkien mal-istoriku Tony Terribile dwar l-irvellijiet tas-Sette Giugno u sabu informazzjoni ġdida dwar dan l-avveniment storiku fl-istorja ta’ Malta.

Dawn il-grupp ta’ żgħażagħ għażlu li jippreżentaw din ir-riċerka l-ġdida fi produzzjoni li se ssir nhar id-19 u l-20 ta’ Ottubru ġewwa t-Teatru Salesjan. F’kuntatt ma’ inewsmalta huma spjegawlna li din il-produzzjoni tiffoka fuq l-aspett uman li ma jispikkax daqstant fil-kotba storiċi.

Infatti din il-produzzjoni se tiffokka b’mod partikolari fuq il-ħajja ta’ Manwel Attard, l-ewwel vittma tas-Sette Giugno. 

"Manwel Attard, vittma tal-irvellijiet tas-Sette Giugno, kien joqgħod Tas-Sliema, imma ż-żmien nessa t-tifkira tiegħu. Permezz ta’ dan id-dramm, aħna ħdimna biex dan il-bniedem jiġi mogħti l-ġieħ li jixraqlu. Personalment, ma kontx naf fuqu fid-dettall, iżda permezz ta’ riċerka li saret irnexxieli noħloq figura, kap ta’ familja, patrijott li ma beżax juri l-fehma tiegħu f’dawk iż-żminijiet imqallba tal-istorja ta’ gżiritna," Qalilna l-kittieb ta' din il-produzzjoni.

Għal aktar informazzjoni żuru https://www.facebook.com/AZSUfficjali/?ref=br_rs

Simili

• 

  Kant, Ikel u Xorb, Logħob għat-Tfal u ħafna aktar f’atmosfera tal-Milied fis-Siġġiewi