Hermann Schiavone jerġa' lura... jirreżenja Norman Vella

• Aww 14, 2019 10:30
• Miktub minn iNews

Id-deputat Hermann Schiavone mistenni jerġa’ lura fi ħdan il-grupp Parlamentari tal-Partit Nazzjonalista wara li f’April li għadda kien issospenda lilu nnifsu mill-grupp. Dan wara kontroversja li kienet qamet meta sar magħruf li kellu laqgħa ma’ Yurgen Fenech. Dan tal-aħħar kien fil-mira ta’ kritika dwar il-kumpanija 17 Black.

Fi stqarrija maħruġa mill-Partit Nazzjanalista wara laqgħa tal-Kumitat Eżekuttiv intqal li l-kumitat aċċetta r-rakkomondazzjonijiet tal-Bord tal-Etika li kkonkluda li Schiavone ma kiser l-ebda struzzjoni jew regola tal-Partit u għalhekk ma ħassx li kellu jirrakkomanda proċeduri oħrajn kontrih. Il-bord qal ukoll li lanqas ma jirriżulta li kien hemm intenzjonijiet ħżiena u dan kien każ ta’ nuqqas ta’ sens ta’ ġudizzju.

Din id-deċiżjoni wasslet biex l-ex kandidat Nazzjonalista Norman Vella rreżenja minn kandidat, kunsillier u minn membru tal-Partit. Fuq il-profil tiegħu  Vella qal li din id-deċiżjoni tmur kontra dak li ħadem u li n-Nazzjonalisti vvutaw għalih sentejn ilu. 

Simili

• 

  Bejn 2008 u Ottubru 2017 kien hemm biss 50 ġurnata ta' għassa mad-dar ta' Caruana Galizia

• 

  Illum għandna anke robots jaħdmu … ma nafx hux jaħdmu bil-ktieb dawn” - Id-deputat Nazzjonalista Stephen Spiteri

• 

  “Il-Prim Ministru sema’ l-karba tagħna u daħal medjatur għalina” - Janet Walker