Il-vulkan Agung jiżbroffa għat-tielet darba fi żmien xahar

• Mej 25, 2019 08:32
• Miktub minn iNews

Il-vulkan Mount Agung żbroffa u xerred irmied madwar il-gżira Indonesjana kollha tant li titjiriet minn u ’l barra mill-ajruport kellhom jiġu kkanċellati.

Il-vulkan f’Bali żbroffa fl-aħħar sigħat u dam madwar erba’ minuti u nofs b’rapporti jindikaw li l-lava li ħarġet minnu żżerżħet sa madwar tliet kilometri.

Id-Direttorat Ġenerali tat-Trasport fl-ajru kkonferma li erba’ titjiriet lejn Bali kienu devjati u ħames titjiriet li kellhom iħallu l-gżira ġew ikkanċellati minħabba l-ammont ta’ rmied vulkaniku li nxtered.

Minkejja dan ma kienx hemm sejħa għal evakwazzjoni immedjata peress li r-residenzi kienu f’żoni siguri.

Il-vulkan reġa’ sar attiv fl-2017 wara aktar minn ħamsin sena. Din hija t-tielet darba fi żmien xahar li l-vulkan xerred materjal vulkaniku biż-żewġ drabi l-oħra jkunu fit-12 ta’ Mejju u fit-18 ta’ Mejju.

Simili

• 

  Merkel titkellem dwar il-“mistħija” li tħoss fl-ewwel żjara tagħha f'Auschwitz

• 

  Persuna tinqatel fi sparatura f'bażi militari Amerikana

• 

  Mill-inqas żewġ persuni jmutu wara li tiġġarraf binja ta' sitt sulari fil-Kenja