Sitt persuni mejtin u mijiet jindarbu fi protesti vjolenti f’Jakarta

Mej 23, 2019 08:35
Miktub minn iNews

Il-kapitali tal-Indoneżja, Jakarta, kienet ikkaratterizzata minn protesti vjolenti hekk kif il-Pulizija għamlu użu minn gass tad-dmugħ biex iwaqqfu lil dimostranti li kienu qed jopponu għall-ħatra mill-ġdid tal-President Joko Widodo.

Il-gvernatur tal-belt, Aniea Baswedan, kien ikkwotat mill-midja lokali jgħid li mill-inqas sitt persuni nqatlu, b’aktar minn 200 dimostrant ieħor jisfaw midrubin.

Il-Pulizija min-naħa tagħhom qalu li qed jinvestigaw dawn ir-rapporti ta’ mwiet madankollu ċaħdu li kienu sparaw tiri ta’ armi tan-nar fuq id-dimostranti. Huma madankollu kkonfermaw li kienu arrestaw għexieren ta’ dimostranti.

Il-ġurnata tal-bieraħ kienet ikkaratterizzata minn bosta inċidenti, hekk kif id-dimostranti taw in-nar lil diversi ħwienet, karozzi u anke għamlu ħerba minn suq. Huma bdew iwaddbu ġebel fil-konfront tal-pulizija wara li dawn kienu ordnawlhom biex jixterdu.

Aktar minn 30,000 suldat tniżżlu fit-toroq biex jantiċipaw għall-vjolenza meta tħabbru r-riżultati li kkonfermaw li Widodo kien reġa’ ġie elett bħala President tal-pajjiż.

Widodo min-naħa tiegħu qal li l-awtoritajiet għandhom il-kontroll tas-sitwazzjoni u qal li mhux se jkun qed jittollera anarkija u bi ħsiebu jagħnmel użu mis-setgħa kollha li tagħtih il-liġi biex iwaqqaf dawn il-protesti.

@tweetembed@

Midja Soċjali: