"Long live the Queen" - kunċert minn tribute band 'Break Free' f'Ħal Għaxaq

  • Apr 12, 2019 10:44
  • Miktub minn iNews
"

    Kunċert b’xejn f’Ħal Għaxaq nhar il-Ġimgha 17 ta’ Mejju

    Għaxaq Music Events ser jippreżentaw xow bl-isem ta’ Long Live the Queen imtella’ mill-grupp Break Free, tribute band li hija meqjusa bħala waħda mill-aħjar fl-Ewopa għall-mużika tal-grupp leġġendarju Queen. Dan kollu se jsir fil-grounds ta’ Ħal Għaxaq li huma sinonimi ma’ kunċerti kbar li saru matul is-snin li għaddew. Ewlenin fosthom huma l-kunċerti tal-gruppi Modern Talking u Winter Moods.

    Dan l-ispettaklu ser joffri esperjenza mill-aqwa lil dawk kollha li jattendu! Se tiġi kkreata l-atmosfera famuża tal-kunċerti kolossali li kienu jtellgħu l-grupp Queen. L-ispettaklu ta’ dawl u sound ser ikun qiegħed jikkumplimenta dan kollu biex verament ikollna kunċert mill-aqwa. L-esperjenza internazzjonali ta’ dan il-grupp qiegħda twassal biex ikun milqugħ b’entużjażmu kbir mill-pajjiżi kollha, fejn fost oħrajn tellgħu l-kunċerti tagħhom fir-Renju Unit, Spanja, l-Italja, l-Ġermanja u Franza. 

    Il-kantant ewlieni tal-grupp huwa meqjus minn bosta, bħala wieħed mill-iktar li jqarreb il-vuċi tal-leġġenda Freddie Mercury. L-ispettaklu live li joffri huwa xhieda ta’ dan. Hu studja b’reqqa kbira l-imġiba ta’ Freddie Mercury meta jkun fuq il-palk u flimkien mat-timbru tal-vuċi tiegħu, jagħmluh uniku biex joffri spettaklu simili ħafna ta’ dak li kien jitrażmetti Freddie Mercury fil-kunċerti tiegħu.

    Wara s-suċċess tal-film Bohemian Rhapsody li jittratta l-ħajja ta’ Freddie Mercury, dan il-kunċert żgur li ser joffri nostalġija mill-isbaħ lil dawk kollha li jħobbu l-mużika tal-Queen. F’dan il-kunċert ser jindaqqu l-aktar diski li għamlu success tul il-karriera tal-grupp Queen, fosthom The Show Must Go on, Bohemian Rhapsody, We are the Champions, We will rock you u Love of my Life.

    Il-kunċert ta’ mużika live ser jibda mit-8 ta’ filgħaxija ’l quddiem. Il-gruppi Vinyl Paradise u Airport Impressions ser jagħtu bidu għal dan il-kunċert li jiftaħ l-istaġun tas-sajf Malti. Pierre Cordina ser ikun qiegħed jippreżenta dan l-avveniment. L-organizzaturi ser jieħdu ħsieb jorganizzaw ukoll parking areas apposta għal dawk kollha li jattendu.

    Id-dħul għal dan il-kunċert huwa mingħajr ħlas. Però dawk kollha li ħa jattendu ser ikunu mitluba jagħtu donazzjoni b’risq Dar Bjorn. 

    Dawk kollha li jixtiequ aktar informazzjoni dwar dak kollu li ser ikun qed jiġri f’Ħal Għaxaq nhar il-Ġimgħa 17 ta’ Mejju, huma mistiedna jżuru l-paġna uffiċċjali fuq Facebook bl-isem ta’ Għaxaq Music Events.

    Erġa’ għix l-esperjenza tal-leġġendarju u kun parti mill-folla ta’ dan l-avveniment! 

     

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

    0