“Għamilna avvanzi kbar, però għad fadal xi jsir”

• Set 21, 2018 10:32
• Miktub minn Matthew Charles Zammit

Membri mill-GWU Youths jattendu proġett internazzjonali fuq il-parteċipazzjoni attiva: “Ir-rata Maltija ħafna akbar minn dik tal-ġirien tagħna”

Ftit gimgħat ilu, membri mill-għaqda tal-General Workers’ Union Youths irrapreżentaw lil pajjiżna f’proġett internazzjonali ġewwa l-Belt ta’ Targovista fir-Rumanija. Dan il-proġett ddiskuta ċ-ċittadinanza attiva fi ħdan l-Unjoni Ewropeja u l-istati membri tal-UE, l-isfidi li jipprevjenu l-parteċipazzjoni ċivili, kif ukoll x’għandu jsir biex jingħelbu dawn l-ostakli.

Dan il-ġurnal iltaqa ma’ uħud mill-membru tal-GWU Youths li kienu protagonisti fi ħdan dan il-proġett internazzjonali, fosthom Matthew Seychell, Laura Mariah Demanuele u Luke Mifsud. It-tlett żgħażagħ, flimkien ma’ Kurt Zammit, spjegaw kif f’dan il-proġett kien hemm involviment ta’ numru mdaqqas ta’ żgħażagħ minn pajjiżi differenti: “F’dan il-proġett ħadu sehem ammont kbir ta’ żgħażagħ, li ġejjin minn pajjiżi, sfondi u mentalitajiet differenti: fosthom il-Litwanja, ir-Rumanija, is-Slovakja, ir-Repubblika Ċeka u anke l-Maċedonja.”

Iż-żgħażagħ spjegaw kf  l-għan ta’ dan il-proġett: “Ridna naraw kif sejrin  nkomplu nħeġġu lil xulxin, kif ukoll lill-bqija taż-żgħażagħ madwar l-Ewropa, biex inkunu iktar parteċipattivi fis-soċjeta ta’ madwarna, fl-attiviżmu, u fid-demokrazijia attiva llum il-ġurnata.”

“Ħassejna li l-kontinġent Malti ħalla impressjoni tajba ħafna: Apparti l-bżonn li kulħadd jitgħallem jitħadded u jiddiskuti kulturi u mentalitajiet differenti minn tagħna, irnexxielna niddjalogaw b’tali mod li stajna nsibu d-differenzi u s-similitudnijiet li hemm bejnietna bħala pajjiżi.”

Meta mistoqsija x’kienet l-impressjoni tagħhom fuq is-sitwazzjoni tal-attiviżmu żgħażugħ f’Malta u fil-bqija tal-Ewropa, il-parteċipanti, filwaqt li stqarru li “Malta għandha rata ta’ parteċipazzjoni ħafna akbar minn pajjiżi oħra, nemmnu li għad fadal xi jsir.”

“Bħala żgħażagħ, rajna kif ċertu inizjattivi li jieħu l-Gvern Malti u aġenziji oħra setgħu faċilment applikati minn pajjiżi oħra, u rajna kif naqsmu dan it-tagħrif li għandna aħna ma’ dawn il-kommunitajiet b’rata parteċipattiva inqas. Faċilment tinduna kemm bħala pajjiż, f’dan is-settur għamilna avvanzi kbar, speċjalment meta wieħed jara minn fejn bdejna, u jikkumpara ma’ pajjiżi oħra, anke ġirien tagħna.”

 

Simili

• 

  Jittamaw li ssir ġustizzja wara aktar minn 20 sena

• 

  Xejn illegali b'rabta mal-bypass tal-Mellieħa

• 

  Investiment ta' €1.3 miljun fil-Berġa ta' Kastilja fl-aħħar sitt snin