Debono qal lill-Pulizija li ommu kienet tagħtih id-droga biex jorqod… iżid li kien ilu jieħu d-droga sa minn meta kellu disa’ snin

  • Set 11, 2018 13:15
  • Miktub minn iNews

    Spettur tal-Pulizija rrakkonta kif Liam Debono kien qalilhom li huwa allegatament kien jieħu bejn tlieta u erba’ grammi kannabis kuljum u li kien ilu jabbuża mid-droga sa minn meta kellu disa’ snin u dan hekk kif ommu kienet tagħtih id-droga biex jorqod.

    Dan id-dettall ħareġ mix-xhieda tal-Ispettur Malcolm Bondin fil-kumpilazzjoni li għaddej Liam Debono ta’ 17-il sena, li qed jiġi akkużat bl-attentat ta’ qtil tal-Kuntistabbli Simon Schembri wara li tajru u kaxkru bil-karozza nhar il-15 ta’ Mejju li għadda.

    L-Ispettur Bondin ikkonferma wkoll li waqt l-arrest taż-żagħżugħ, il-Pulizija sabulu l-kannabis u żewġ crushers marbuta mal-abbuż tad-droga. 

    Tela’ jixhed ukoll il-kirurgu ortopediku John Cassareto, li invista lill-Kuntistabbli Schembri fl-Isptar Mater Dei. Huwa spjega kif Schembri kien fil-periklu li jitlef ħajtu minħabba l-ġrieħi gravi li kellu. 

    Wara li nvistah, Dr Cassareto kien qata’ jdejn il-kuntistabbli ftit ‘l isfel minn taħt il-minkeb. Spjega li l-vittma mhux se jkun qed jitlef aktar partijiet minn ġismu, madankollu huwa jista’ jsofri minn ħafna wġigħ.

    Il-Prosekuzzjoni qed titmexxa mill-Ispetturi Fabian Fleri, Pierguido Saliba u Chantelle Casha mentri l-Avukati Franco Debono u Amadeus Cachia qed jidhru għal Liam Debono.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

  •  

Facebook