“Hugo Chetcuti tilef tliet litri ta’ demm u ma setax jiġġieled l-infezzjoni li ħakmitu”

  • Set 10, 2018 15:25
  • Miktub minn iNews

    Hugo Chetcuti, tilef tliet litri ta’ demm u għalhekk ma setax jiġġieled l-infezzjoni tal-pnewmonja li kienet ħakmitu.

    Dan id-dettall mix-xhieda tat-tobba li operaw lill-imprenditur Malti, li kellu 52 sena u tilef ħajtu wara li qala’ daqqiet ta’ sikkina f’Paceville hekk kif kompliet il-kumpilazzjoni tas-Serb Bojan Cmelik, li jinsab akkużat bil-qtil tiegħu.

    It-tabib Ayman Mustafa qal li kien ftit qabel il-11.00 p.m. tas-6 ta’ Lulju x’ħin kien infurmat li kien ġej vittma wara li qala daqqiet ta’ sikkina. Huwa qal li malli wasal l-Emerġenza, Hugo Chetcuti seta’ jitkellem iżda deher li kien ixxukkjat.

    Tenna kif malli fetħu l-istonku, sabu ħafna demm u perforazzjonijiet fl-imsaren. Qal li d-demm kien ġej mill-arterji u l-vini ta’ ġol-imsaren. Wara li waqqfu d-demm, it-tobba ċċekkjaw l-organi kollha għal tliet darbiet.

    Dr Mustafa xehed li għalqu l-perforazzjonijiet li kellu Chetcuti, waħda ikbar mit-tliet l-oħra. Għamlulu żewġ pajpijiet u bagħtu lill-pazjenti fl-ITU. 

    Fil-Qorti xehed ukoll il-kirurgu u konsulent fid-Dipartiment tal-Emerġenza Dr Jonathan Joslin, li spjega kif il-vittma kellu żewġ daqqiet ta’ sikkina li dehru fl-istonku. Għamlulu bħal ultrasound biex jaraw jekk kienx hemm demm fl-istonku u dan immarka pożittiv.

    Dr Joslin qal li Hugo Chetcuti kellu jiġi operat b’mod immedjat għax kien inixxi wisq demm internament u kien fi stat ta’ emoraġija. Huwa qal li Chetcuti beda jiġi operati għall-ħabta tal-11.15 p.m. 

    Il-każ ikompli fis-26 ta’ Settembru. 

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

  •  

Facebook