Il-Ġermanja b'inkwiet politiku ġdid? Il-Ministru għall-Intern jissimpatizza mad-dimostrazzjonijiet f'Chemnitz

  • Set 06, 2018 17:43
  • Miktub minn iNews

    Il-Ġermanja jaf terġa’ tiffaċċja problemi politiċi wara li l-ftehim fis-seħħ bejn il-Kanċillier Angela Merkel u l-Ministru għal-Intern jidher li sfaxxa, b’dan tal-aħħar jiddefendi l-protesti minn gruppi neo-Nazisti f’Chemnitz. Hu wa saħansitra rrefera għall-immigrazzjoni bħala “l-omm ta’ kull problema politika”.

    Dan l-iżvilupp seħħ xahrejn biss wara li l-Ministru għall-Intern, Horst Seehofer, hedded li jisfaxxa l-koalizzjoni mmexxija minn Merkel dwar il-kwistjoni tal-fruntieri.

    Kien il-qtil ta’ Ġermaniż ta’ 35 sena b’daqqiet ta’ sikkina li wassal li jerġa’ jixref l-inkwiet għal Merkel.

    Gruppi tal-lemin estrem u eluf ta’ ċittadini tal-post niżlu fit-toroq ta’ Chemnitz biex juru d-diżapprovazzjoni tagħhom għall-politika ta’ immigrazzjoni mħaddna mill-Ġermanja.

    Seehofer kien mitlub biex jikkundanna d-dimostrazzjonijiet, li anke sarrfu fi ġlied mal-pulizija.

    Madankollu llum f’intervista huwa qal li xtaq li anke huwa jkun parteċipi fid-dimostrazzjonijiet.

    “Li kieku ma nokkupax il-kariga ta’ ministru, kieku bħala ċittadin ukoll kont ninżel fit-toroq nipprotesta,” saħaq Seehofer.

    Filwaqt li kkundanna l-vjolenza, huwa esprima simpatija mar-rabja li qed twassal għall-protesti.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

  •  

Facebook