Il-militar Amerikan se jħassar mat-$300 miljun f'għajnuna lill-Pakistan minħabba gruppi terroristiċi

  • Set 02, 2018 10:33
  • Miktub minn iNews

    Il-militar Amerikan ħabbar li se jkun qed iħassar mat-$300 miljun f’għajnuna lill-Pakistan wara li saħaq li l-Gvern Pakistani naqas milli jieħu azzjoni fil-konfront ta’ gruppi militanti.

    Il-President Amerikan Donald Trump kien akkuża lill-Pakistan li qed tqarraq bl-Istati Uniti filwaqt li qed tirċievi biljuni ta’ dollari f’għajnuna.

    Kelliemi għall-Pentagon, il-Logotenent Kulunell Kone Faulkner, qal li l-militar Amerikan se jara li l-flus li kienu indirizzati lill-Pakistan jintefqu fuq “prijoritajiet urġenti” oħrajn.

    Din il-mossa, li jeħtieġ li tkun approvata mill-Kungress Amerikan, tagħmel parti minn azzjonijiet mill-Istati Uniti fil-konfront tal-Pakistan li kienu mħabbrin f’Jannar li għadda.

    Id-Dipartiment għall-Istat Amerikan ikkritika lill-Pakistan talli naqas milli jiffaċċja u jaġixxi kontra netwerks terroristiċi li qed joperaw fil-Pakistan, fosthom in-netwerk Haqqani u t-Talibani Afghani.

    Din l-aħbar waslet jiem biss qabel ma s-Segretarju għall-Istat Amerikan Mike Pompeo se jkun qed iżur lill-Pakistan biex jiltaqa’ mal-Prim ministru ġdid, Imran Khan.

    F’Jannar li għadda l-amministrazzjoni ta’ Trump kienet ħabbret li kienet se taqta’ kważi kull forma ta’ għajnuna indirizzata għas-sigurtà tal-Pakistan.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0