Direttur tal-films Awstraljan arrestat fil-Kambodja minħabba spjunaġġ

  • Set 01, 2018 17:12
  • Miktub minn iNews

    Direttur tal-films Awstraljan ingħata sentenza ta’ sitt snin ħabs mill-qorti tal-Kambodja wara li dan instab ħati ta’ spjunaġġ għan-nom ta’ pajjiż mhux magħruf.

    James Ricketson, li għandu 69 sena, kien ġie arrestat f’Ġunju 2017 wara li nstab li kien qiegħed itajjar drone mgħammar b’kamera fuq rally tal-oppożizzjoni.

    Min-naħa tiegħu Ricketson innega dawn l-allegazzjonijiet u l-avukat tiegħu qal li huwa se jkun qiegħed jappella kontra dan il-verdett. L-arrest ta’ dan id-direttur sar fi żmien meta l-Gvern tal-Kambodja qiegħed jieħu miżuri iebsa fil-konfront ta’ dawk li jikkritikawh. Il-gvern ta’ dan il-pajjiż qiegħed isir dejjem iktar awtoritarju.

    Ricketson żar il-Kambodja diversi drabi f’dawn l-aħħar għoxrin sena u hi ħaġa magħ­rufa li huwa kritiku kbir tal-Prim Ministru attwali Hun Sen. Il-midja li tappoġġ­ja lill-Gvern penġiet lil Ricketson bħala spija li qiegħed jaħdem biex jippromwovi revoluzzjoni. Min-naħa tiegħu Rickeston qal li huwa lanqas irid jemmen li tressqu dawn l-akkkużi fil-konfront tiegħu. Wara li ngħata l-verdett fil-qo­rti Ricketson staqsa, “għan-n­om ta’ liema pajjiż qiegħed inwettaq dan l-ispjunaġġ?”

    L-Imħallef Seng Leang, fis-sentenza tiegħu qal li l-Qorti Muniċipali ta’ Phnom Penh qiegħda ssib lil James Ricketson ħati ta’ spjunaġġ u li ġabar informazzjoni li hija ta’ theddida għall-pajjiż bejn Diċembru 2010 u Ġunju 2017.

    Il-prosekuzzjoni kienet argumentat li x-xogħol ta’ Ricketson penġa stampa kerha tal-Kambodja fix-xena internazzjonali.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

  •  

Facebook