Iċ-Ċina ddaħħal miżuri li jirregolaw il-logħob diġitali

  • Set 01, 2018 13:44
  • Miktub minn iNews

    L-awtoritajiet Ċiniżi ħabbru pjanijiet għal kontroll fuq il-logħob diġitali u dan minħabba li n-numru ta’ tfal li għandhom il-vista t’għajnejhom batuta qiegħed jiżdied.

    Dawn ir-regolamenti mistennija jillimitaw in-numru ta’ logħob online, jagħmlu restrizzjonijiet fuq il-ħin li wieħed idum jilgħab kif ukoll idaħħlu kontrolli fuq l-età.

    Rapport li kien ippubblikat fl-2015 sab li 500 miljun ċittadin Ċiniż isofri minn vista batuta, dan ifisser iktar minn nofs il-popolazzjoni li għandha iktar minn ħames snin.

    Iċ-Ċina għandha l-ikbar industrija tal-logħob diġitali fid-dinja u minħabba din l-aħbar kumpaniji lokali tal-logħob raw l-ishma tagħhom jonqsu b’mod drammatiku.

    Il-Ministeru tal-Edukazzjoni taċ-Ċina ħareġ din il-policy ġdida nhar il-Ħamis li għadda wara li l-President Xi Jinping, aktar kmieni, kien sejjaħ għal iktar attenzjoni dwar is-saħħa ottika. 

    Id-dokument imsemmi iktar kmieni jgħid li l-livell għoli fin-numru ta’ persuni li għandhom vista batuta huwa attribwit għall-istudju tal-iskola, it-tixrid tal-mowbajls u apparat ieħor elet­troniku kif ukoll minħabba n-nuqqas ta’ attività fiżika barra mid-dar.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0