Aktar minn 300 aġenzija tal-aħbarijiet f’kampanja kontra Trump

• Aww 16, 2018 17:27
• Miktub minn iNews

Aktar minn 300 aġenzija tal-aħbarijiet bdew kampanja kontra l-President Amerikan Donald Trump li qiegħda jattakka l-midja u jtellef mil-libertà tal-istampa.

Kienet il-Boston Globe li l-ġimgħa l-oħra talbet biex madwar l-Istati Uniti jkun iddikjarat li l-President Trump jinsab fi “gwerra maħmuġa” kontra l-midja. Min-naħa tiegħu, il-President Trump qal li dawn huma “fake news” u attakka lill-ġurnalisti meta qal li huma l-għadu tal-poplu.

Fi tweet, il-President Trump qal li dawn il-‘fake news’ huma l-oppożizzjoni fil-pajjiż u saħaq li huma ħżiena ħafna għall-pajjiż.

Esperti mill-Ġnus Magħquda wissew li l-kummenti ta’ Trump dwar il-midja jżidu r-riskji ta’ vjolenza kontra l-ġurnalisti.

Wara s-sejħa tal-Boston Globe, minnufih kien hemm mal-100 organizzazzjoni tal-aħbarijiet li ngħaqdu magħhom. Issa dawn żdiedu għal 350 aġenzija tal-aħbarijiet, li jinkludu wkoll pubblikazzjonijiet internazzjonali bħal The Guardian.

Simili

• 

  Unilever tmexxi l-kwartieri lejn l-Olanda

• 

  Għall-ewwel darba l-estremisti tal-AfD popolari aktar mis-Soċjalisti fil-Ġermanja

• 

  Tusk jgħid li jinsab konvint li se jintlaħaq kompromess dwar il-Brexit