Tfajla tirrakkonta kif rat lil Liam Debono jtajjar lill-Kuntistabbli

  • Lul 11, 2018 16:00
  • Miktub minn iNews

    Tfajla li kienet qed tistenna fuq l-istage tal-linja u li rat iseħħ quddiemha l-inċident li fih il-Kuntistabbli Simon Schembri safa mtajjar minn ġuvni bil-karozza, irrakkontat fil-Qorti kif l-inċident kellu l-bidu tiegħu meta l-Kuntistabbli kien waqqaf lix-xufier u talbu jagħtih il-karta tal-identità.

    It-tfajla kienet qed tixhed permezz ta’ video-conference fil-kumpilazzjoni li għaddej minnha Liam Debono, li qed ikun akkużat b’47 akkuża b’dik ewlenija tkun l-attentat ta’ qtil ta’ Schembri. L-inċident seħħ fil-15 ta’ Mejju li għadda.

    Hija spjegat li fit-7.45 a.m., kienet qed tistenna l-karozza tal-linja fuq l-istage minn fejn rat lill-Kuntistabbli jieqaf quddiem vettura tat-tip Mercedes li kienet qed tinstaq minn Debono. 

    Tgħid li dawn waqfu żewġ metri biss ‘il bogħod minnha u spjegat li l-Kuntistabbli mar ħdejn ix-xufier fejn talbu l-ID Card, bix-xufier jagħmel sinjal b’rasu li ma riedx. 

    Qalet li l-Kuntistabbli mar lura ħdejn il-mutur u sadanittant ix-xufier beda jsuq il-karozza. Waqt li l-Kuntistabbli talbu jieqaf, l-akkużat ma tax kasu u baqa’ jsuq. Hi qalet ukoll li fil-ħin tal-inċident l-akkużat kien waħdu fil-karozza.

    Il-każ ikompli.

    Il-Prosekuzzjoni f’dan il-każ qed titmexxa mill-Ispetturi Fabian Fleri, Pierguido Saliba u Chantelle Casha mentri l-Avukati Franco Debono u Amadeus CAchia qed jidhru għall-akkużat. 

     

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

  •  

Facebook