It-tmien safra għall-Banda Santa Katarina taż-Żurrieq

  • Lul 10, 2018 12:25
  • Miktub minn iNews
"

    Din id-darba, il-Banda tas-Soċjetà Mużikali Santa Katarina taż-Żurrieq ser tipparteċipa f’Festival ġewwa l-Awstrija

    Bejn għada l-Erbgħa 11 u l-Erbgħa 18 ta’ Lulju, il-Banda tas-Soċjetà Mużikali Santa Katarina, ser tkun qed parteċipanta fil-Mid Europe International Wind Music Festival fost 37 banda minn madwar id-Dinja. Din ser tkun il-21 edizzjoni ta’ dan il-festival, li huwa meqjus bħala wieħed mill-aktar festivals importanti għall-baned sinfoniċi.

    Dan il-festival kull sena jara l-parteċipazzjoni ta’ għadd ta’ baned li kollha jdoqqu stili differenti ta’ mużika. Din is-sena, se jkunu mal-2,500 mużiċist minn 15-il pajjiż differenti u flimkien jesperjenzaw mużika klassika, moderna, familjari, tradizzjonali, kontemporanja, reġjonali internazzjonali u ħafna aktar.

    Il-Festival ser ikun qed jittella’ f’Schladming, villaġġ żgħir fl-Alpi biswit il-muntanja Dachstein fl-Awstrija stess.

    Din hija t-tmien darba li tul l-istorja tagħha, il-Banda Santa Katarina taż-Żurrieq ser tkun qed tirrappreżenta lil pajjiżna barra l-pajjiż. Tul l-istorja, din il-Banda siefret fi Sqallija, Bari, Lucca, Budapest u l-Black Forest fil-Ġermanja. 

    Għal din is-safra, il-Banda ser tkun komposta minn 50 element mużikali, kollha mużiċisti tal-post fi ħdan l-istess Soċjetà, akkumpanjati minn kontiġent ta’ madwar 180 partitarju Palmist. 

    Sehem il-Banda f’dan il-festival ser ikun f’żewġ serati; waħda ta’ mużika pop u moderna fuq barra u kunċert ieħor ġewwa Schladming Congress Hall b’kunċert ta’ mużika klassika. Sehem ieħor tal-banda ikun waqt serata tal-baned kollha mistiedna magħrufa bħala tutti performance, fejn jindaqqu siltiet mużikali bħala massed band ġewwa arena.

    Is-Soċjetà Mużikali Santa Katarina V.M. taż-Żurrieq hija kburija li ser tirrapreżenta lil Malta fil-Mid Europe Festival, li huwa meqjus bħala l-palk tal-mużika sinfonika fid-dinja.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

    0