Approvati l-proposti tal-MPE Mizzi għal aktar investiment f’reġjuni transkonfinali

  • Ġun 21, 2018 12:10
  • Miktub minn iNews

    Il-proposti tal-Membru Parlamentari Ewropew (MPE) Marlene Mizzi sabiex jinbidlu ż-żoni perferali u r-reġjuni transkonfinali f’żoni ta’ prosperità li fihom ikun hemm tkabbir ekonomiku u aktar xogħol, ġew approvati b’mod unanimu mill-Kumitat tal-Kultura u l-Edukazzjoni fil-Parlament Ewropew.

    L-MPE Mizzi, fir-rwol tagħha ta’ kelliema għall-grupp tal-S&D fil-kumitat CULT, qalet li tinsab “sodisfatta ferm bl-appoġġ tal-kollegi tiegħi fi ħdan il-Kumitat flimkien mal-appoġġ tal-gruppi politiċi differenti. Nagħraf li dak li qed nagħmlu se jkun qed iħalli impatt fuq ħajjet iċ-ċittadini Ewropej li jgħixu f’reġjuni transkonfinali.”

    Fil-proposti tagħha Marlene Mizzi wriet b’mod ċar li wieħed għandu jipprova juża l-potenzjal massimu tar-reġjuni transkonfinali, bl-inklużjoni tal-iżgħar Stati Membri; b’mod partikolari dawk li għandhom fruntieri marittimi bħal Malta. Mizzi qalet li “kemm il-fruntieri Ewropej li jinsabu fuq l-art kif ukoll dawk marittimi huma importanti. B’hekk il-Kummissjoni għandha tieħu rendikont ta’ dan u teżamina l-isfidi li jiġu ffaċċjati minn dawk l-Istati Membri li għandhom fruntieri marittimi u mhux biss dawk tal-art.”

    L-MPE Mizzi qalet li “l-iżvilupp tal-identità kulturali u l-kutura Ewropea għandu jsarraf f’aktar investiment mogħti għal proġetti tal-arti u l-professjonijiet kulturali. It-tnejn huma imprezzabbli sabiex nippromwovu l-kultura Ewropea. B’hekk ikollna aktar progress soċjali u naraw żvilupp kulturali f’kull qasam.”

    Mizzi qalet li hija favur programmi li jippromwovu l-inklużjoni tad-diversità kulturali, għall-benefiċċju tat-tfal, iż-żgħażagħ u l-istudenti. Marlene Mizzi saħqet dwar il-bżonn ta’ aktar programmi ta’ skambju edukattivi għall-istudenti sa minn età żgħira. B’dan il-mod inkunu qegħdin negħlbu d-diffikultajiet soċjokulturali, inlaqqgħu studenti minn kulturi differenti, u niffaċilitaw is-sħubija transkonfinali.

    “Il-Fondi ta’ Koeżjoni Ewropej għandhom jintużaw għall-bżonn taċ-ċittadini b’mod trasparenti, biex nassiguraw li jkun hemm distribuzzjoni ugwali għal proġetti-relatati mal-kultura, edukazzjoni, żgħażagħ u sport,” qalet Marlene Mizzi.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

  •  

Facebook