Jammetti li seraq minn sitt vetturi f’Tas-Sliema

• Mej 16, 2018 19:28
• Miktub minn iNews

Ingliż li joqgħod tas-Sliema, li nqabad fil-fatt jisraq minn sitt vetturi, tressaq fil-Qorti fejn ammetta għall-akkużi miġjuba kontrih.

Jake Sebastian Morris, li għandu 41 sena, ammetta li fil-lejl ta’ bejn it-Tnejn u t-Tlieta li għadda, seraq minn ġewwa sitt vetturi f’Tas-Sliema, li għamel ħsara volontarja fihom u li kien fis-sakra f’post pubbliku.

Huwa ammetta wkoll li rrifjuta milli jagħti d-dettalji tiegħu lill-Pulizija, li heddidhom, li kkommetta reat waqt perjodu operattiv ta’ sentenza sospiża u li sar reċediv. 

Fil-Qorti ħareġ li Morris għandu problema tad-droga u li fl-aħħar ġimgħat is-sitwazzjoni tiegħu ddeterjorat.

Il-Maġistrat Donatella Frendo Dimech qalet li se tkun qed tagħti s-sentenza kontra l-imputat fl-aħħar ta’ dan ix-xahar.

Il-Prosekuzzjoni tmexxiet mill-Ispettur Mark Anthony Mercieca filwaqt li l-Avukat Francine Abela dehret għal Jake Sebastian Morris.

Simili

• 

  Ħidma ma’ taqta’ xejn fl-enerġija u l-provvista tal-ilma

• 

  L-ewwel programm ta’ terapija permezz tan-natura f’Malta

• 

  Kunċert vokali u strumentali mill-Banda tal-Korp tal-Pulizija