X’jinkwetana mid-diskors tal-President !

  • Apr 15, 2013 09:35
  • Miktub minn

    Fl-ewwel jiem ta’ Gvern Laburista qamet diskussjoni sħiħa dwar id-diskors li nqara mill-President tar-Repubblika fil-ftuħ tal-leġislatura.

    Sfortunatament, intlifna niddiskutu jekk din l-użanza, fejn il-President tar-Repubblika - bħar-Reġina tal-Ingilterra - jaqra l-programm tal-gvern għandiex titkompla jew le. M’għandna xejn kontra diskussjoni bħal din, iżda rridu nagħmluha ċara li hemm affarijiet li jħassbuna ferm iktar minn hekk.

    Nagħtu eżempju. Jekk inħarsu lura lejn id-diskors tal-President fl-2008, dakinhar Eddie Fenech Adami, hemm ħafna iktar affarijiet li jħassbuna. U le, dawn m’huwiex l-użu ta’ frażijiet li ntużaw fil-Kampanja Elettorali tal-ġimgħat ta’ qabel.

    Iħassibna l-iktar dak il-kontenut li jkun intqal u ma’ jirriżultax.

    Jekk inħarsu lejn waħda mill-iktar partijiet importanti tad-diskors tal-2008, bit-titlu ta’ ‘Good Governance’ naraw li minn dak li twiegħed ma seħħ kważi xejn.

    Ngħidu aħna, fix-xejn spiċċat il-wegħda ta’ investigatur speċjali fi ħdan il-Kummissjoni Permanenti Kontra l-Korruzzjoni. Bħalma spiċċat fix-xejn il-wegħda tal-‘whistleblower act’ u l-liġi tal-finanzjament tal-partiti. Ma rajna wkoll ebda miżuri dwar it-tisħiħ tar-regoli b’rabta mal-kunflitt ta’ interess li jista’ jkollu membru parlamentari. Minflok rajna żieda ta’ €500 għall-Ministri u s-Segretarji Parlamentari.

    Ma’ dawn nistgħu nżidu setturi oħra.

    Iżda, nemmnu li dawn huma biżżejjed biex insostnu l-punt tagħna li l-iktar li rridu niffokaw hu fuq il-fatt li dak li jissemma jitwettaq. Għax ngħiduha kif inhi. Min ma jaqbilx li għandna bżonn enerġija irħas u iktar nadifa? Min ma jaqbilx li għandna nsaħħu l-istituzzjoni ta’ pajjiżna u min ma jaqbilx li għadna bżonn sistema edukattiva iktar inklussiva? U fuq kollox min ma jaqbilx li Malta għandha tkun tagħna lkoll u mhux ta’ xi klikka?

    Id-diskors tal-President aħna wkoll se nżommuh quddiemna. Mhux tant biex noqogħdu niddiskutu għandux jibqa' jsir jew le. Iżda, biex naraw li dak imwiegħed jitwettaq. Għaliex aħna dak li jdejjaqna f’diskors tal-President. Meta dak li jintqal ma jitwettaqx. Kif ġara f’ħafna oqsma tul l-aħħar ħames snin!!

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 2

  •  
    anonimu
    Mej 24, 2013

    Il -

    Irrispondi
  •  
    anonimu
    Ott 18, 2013

    L-importanti li qalilna li spicca iz-zmien ta l-arroganza u beda iz-zmien ta malta tghanha lkoll.....ezatt hekk gara e!!

    Irrispondi