Il-Banda Sant'Elena iżżomm l-appuntament annwali tagħha

  • Apr 13, 2018 15:23
  • Miktub minn iNews

    Għada filgħaxija, l-Għaqda Mużikali Sant’Elena ta' Birkirkara ser torganizza t-28 Programm Mużikali Annwali konsekuttiv tagħha, fis-Sala tal-Kulleġġ Santa Tereża, Skola Sekondarja fl-Imrieħel.

    Dan il-programm, li din is-sena huwa taħt il-patroċinju tas-Sur Nazzareno Vassallo, se jkun ippreżentat minn Moira Delia, filwaqt li se jkun hemm il-parteċipazzjoni tal-banda tal-Għaqda taħt id-direzzjoni tas-Surmast Direttur Joe Vella. Mal-Banda jingħaqdu u s-solisti Michela Galea bħala kantanta u Bernard Curmi bħala vjolinista kif ukoll se tieħu sehem ukoll is-Santa Maria Accordian Band Malta.

    F'dan il-kunċert ser nisimgħu xelta vasta ta' mużika klassika, popolari u anki dik moderna u kontemporanja. Fost is-siltiet li l-Banda Sant'Elena se tesegwixxi nsibu s-Slavonic Rhapsody no. 2 ta’ Carl Friedemann, il-valz minn Swan Lake, Medley tal-Kantant popolari Bon Jovi, u diversi siltiet li se jkunu esegwiti għall-ewwel darba minn Banda f'Malta. Ma jonqsux għadd ta' sorpriżi li din il-banda hija magħrufa għalihom waqt kunċert bħal dan.

    L-Għaqda Mużikali Sant'Elena qed tippreżenta dan il-programm bħala pass ieħor lejn iċ-ċelebrazzjoni tal-mitt sena mit-twaqqif tagħha fis-sena 2019. Min jixtieq jattendi jista’ jaqta’ l-biljetti mill-każin jew mis-Sala stess qabel il-Programm Annwali. Is-serata tibda fis-7pm.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

  •  

Facebook