Id-diversità mil-lenti tal-fotografu f’pubblikazzjoni ta’ APS Bank

  • Mar 26, 2018 11:15
  • Miktub minn iNews

    Illum qed ngħixu f’soċjetà diversa. Soċjetà li bid-diversità li fiha ma tistax ma tiġbidx l-għajn ta’ diversi fotografi, li jiddeċiedu li jesploraw u jużaw il-kreattività tagħhom biex jiġbdu l-aħjar immaġini ta’ l-identità unika ta’ ċertu individwi u komunitajiet li hawn f’pajjiżna.  

    Din hi t-tema tal-aħħar pubblikazzjoni li saret mill-APS Bank li ġġib it-titlu ta’ ‘Diversity:  Recognising Individuality”.

    Il-ktieb tnieda nhar il-Ħamis 22 ta’ Marzu, u dan għandu perspettivi uniċi tal-fotografi, Sita Azzopardi, Duncan Cauchi, Ondre Camilleri Gaglione, Richard Farrugia u Keith Ellul.  Imbagħad hemm il-kitba ta’ Anthony Catania li tgħaqqad kollox f’salt. Dan kien parti minn proġett li ilu għaddej tlett snin.

    Hervé Delpech, li hu l-Kap tal-Istrateġija u l-Marketing tal-APS Bank qal li “l-APS jipprattika l-valuri tad-diversità bħar-rispett, l-aċċettazzjoni u l-inklużjoni.  Permezz ta’ dan il-ktieb u l-esebizzjoni, nixtiequ li l-pubbliku inġenerali jingħaqad magħna f’dan il-vjaġġ”.

    Xogħolijiet magħżulin ta’ dawn il-fotografi qed ikunu esebiti fil-kwartieri ġenerali tal-APS Bank u se jdumu esebiti sal-31 ta’ Mejju tas-sena 2018.  L-esebizzjoni tkun miftuħa bejn 8.30 ta’ filgħodu u l-4.00 ta’ filgħaxija mit-Tnejn sal-Ġimgħa u s-Sibt mit-8.30 tal-12:00pm.  Il-ktieb qed jinbiegħ għal prezz ta’ €35. Għal aktar informazzjoni wieħed jista’ jibgħat email fuq info@apsbank.com.mt jew iċempel fuq 21226644.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0