Bartender minn Malta se jikkompeti fil-Havana Club Cocktail Grand Prix f’Kuba

  • Mar 14, 2018 13:48
  • Miktub minn iNews

    L-edizzjoni tal-2018 tal-Havana Club Cocktail Grand Prix, waħda mill-eqdem u mill-iżjed kompetizzjonijiet internazzjonali tal-bartenders prestiġjużi, bdiet riċentement.

    It-tema tal-edizzjoni ta’ din is-sena hija "CUBA MODERNA", u qed tħeġġeġ lill-bartenders jispiraw ruħhom mill-ingredjenti u l-kultura Kubana biex joħolqu cocktail modern u innovattiv bil-Havana Club 7 li xi darba jista’ jsib postu maġenb cocktails klassiċi Kubani oħrajn. 

    Matul il-konkors nazzjonali, li sar fis-6 ta’ Marzu f’The Clubhouse/Gianpula Village, 13-il bartender professjonali wrew it-talent u l-ħiliet tagħhom biex jimpressjonaw lill-ġurija u lill-udjenza bil-kreattività u l-cocktails eċċitanti tagħhom.

    “L-istandard ta’ din il-kompetizzjoni kien għoli ħafna,” qal wieħed mill-membri tal-ġurija internazzjonali, Dinos Constantinides, imsieħeb maniġerjali tal-Lost+Found Drinkery f’Nikosija, li hija mniżżla fl-Aqwa 50 Bar tad-Dinja 2017 (World’s 50 Best Bars 2017). “Kien ta’ sodisfazzjon għalija li nkun Malta f’isem il-Havana Club biex niġġudika l-prodotti kreattivi li tħejjew għalina f’din il-lejla.”

    Wara ħin ta’ deliberazzjoni, il-membri tal-ġurija ħabbru lil Artjoms Markovs rebbieħ tal-kompetizzjoni ta’ din is-sena. Artjoms, li jaħdem f’The Thirsty Barber f’San Ġiljan, ikkonvinċa lill-ġurija bil-cocktail innovattiv tiegħu magħmul bil-Havana Club 7, lime, għasel, konċentrat frisk tal-ġinġer u weraq tat-tabakk fil-ġinġer.

    Hu se jirrappreżenta lil Malta fl-edizzjoni finali ta’ din il-kompetizzjoni internazzjonali f’Havana, Kuba, Ġunju li ġej.

    L-avveniment lokali kien organizzat mill-Farsons Beverage Imports Company (FBIC) Limited, importaturi u distributuri tal-Havana Club Rum f’Malta, b’kollaborazzjoni mal-Maltese Bartenders Guild.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0